வீட்டில் இருக்கும் பொருட்களைப் பயன்படுத்தி வாயைச் சுற்றி ஏற்படும் நிறமியை போக்குவது எப்படி???

பலருக்கு இன்று நிறமி ஒரு பெரும் பிரச்சினையாக உள்ளது. உடலின் பல பகுதிகளை இது தாக்குவதோடு வாயைச் சுற்றி உள்ள பகுதிகளிலும் இருக்கும். உங்கள் வாயைச் சுற்றியுள்ள கரும்புள்ளிகள் அல்லது நிறமாற்றத்திற்கு பல விதமான கிரீம்களைப் பயன்படுத்தி அதனால் பலனடையாயல் போயிருந்தால் உங்களுக்கான சில வீட்டு வைத்தியங்கள் இங்கே உள்ளன.

வாயைச் சுற்றியுள்ள நிறமிகளைப் போக்க வீட்டு வைத்தியம்:
உருளைக்கிழங்கு:
வைட்டமின் சி மற்றும் பி-காம்ப்ளக்ஸ் மற்றும் பொட்டாசியம், மெக்னீசியம், பாஸ்பரஸ் மற்றும் துத்தநாகம் போன்ற தாதுக்கள் சருமத்திற்கு நல்லது.
அந்த வகையில் அரைத்த உருளைக்கிழங்கிலிருந்து பெறப்படும் கூழ், தேனுடன் கலந்து, தோல் மற்றும் ஃபேஸ் பேக்குகளில் நன்றாக வேலை செய்யும். இது சருமத்தில் உள்ள பருக்கள் மற்றும் புள்ளிகளை குணப்படுத்த உதவுகிறது. எனவே, உருளைக்கிழங்கு துண்டுகளை உங்கள் வாயைச் சுற்றி தேய்ப்பது நிறமியை போக்க உதவும்.

ரோஸ் வாட்டர்:
தூங்கும் முன் ரோஸ் வாட்டரை முகத்தில் தடவுவதை வழக்கமாக்கிக் கொள்ளுங்கள். நீங்கள் அதை பருத்தியுடன் தேய்த்து இரவு முழுவதும் விடலாம். இது நாள் முழுவதும் உள்ள அழுக்குகளை அகற்றி, உங்கள் சருமத்தை ஹைட்ரேட் செய்து, புத்துணர்ச்சியுடன் இருக்க உதவும்.

எலுமிச்சை சாறு:
எலுமிச்சையில் உள்ள சிட்ரிக் அமிலம் சருமத்தில் உள்ள கருமையை போக்க உதவுகிறது. சில எலுமிச்சை துண்டுகளை நிறமி உள்ள இடத்தில் தேய்க்கவும். இது உங்கள் சருமத்தை உரிக்கவும் மற்றும் இறந்த சரும செல்களை அகற்றவும் உதவும்.

வைட்டமின் ஈ:
வைட்டமின் ஈ நிறைந்த பொருட்களைப் பயன்படுத்துவது அல்லது அவற்றை உங்கள் உணவில் சேர்ப்பது உங்கள் சருமத்தை கவனித்துக்கொள்வதற்கான ஒரு சிறந்த வழியாகும். கற்றாழை வைட்டமின் ஈ மிகவும் வளமான மூலமாகும். இது உங்கள் வாயைச் சுற்றியுள்ள நிறமிகளை அகற்ற உதவுகிறது. நீங்கள் வைட்டமின் ஈ காப்ஸ்யூல்களையும் பயன்படுத்தலாம்.