கர்ப்பிணி பெண்கள் ஹை ஹீல்ஸ் அணிவதால் ஏற்படும் ஆபத்துகள்!!!

தாய்மை என்பது ஒரு சிலிர்ப்பான மற்றும் மகிழ்ச்சியான அனுபவம். ஆனால் அதில் ஏகப்பட்ட ஆபத்துகள் நிறைந்துள்ளது. கர்ப்ப காலத்தில் ஒரு பெண்ணின் உடல் பல மாற்றங்களுக்கு உட்படுகிறது. ஒரு கர்ப்பிணி என்ன சாப்பிடுகிறாள், அவள் வாழும் விதம் பற்றி அவள் விழிப்புடன் இருக்க வேண்டும். கர்ப்ப காலத்தில், சில பெண்கள் ஹை ஹீல்ஸ் அணிவதைக் காணலாம். கர்ப்பமாக இருக்கும் போது ஹீல்ஸ் அணிவது பாதுகாப்பானதா என்பதுதான் இப்போதைய கேள்வி.

உயர் ஹீல் செருப்புகள் அல்லது காலணிகள் கர்ப்பத்தை மிகவும் கடினமாக்கலாம். கர்ப்ப காலத்தில் ஹீல்ஸ் அணிவது நல்ல யோசனையல்ல. அவ்வாறு செய்வது கர்ப்பத்தை மிகவும் கடினமாக்குவதற்கு பல அறிவியல் காரணங்கள் உள்ளன. எனவே, கர்ப்பம் முழுவதும் ஹை ஹீல்ஸ் ஏன் தவிர்க்கப்பட வேண்டும் என்பதைப் பார்ப்போம்.

முதுகுவலி: ஹை ஹீல்ஸ் உங்கள் தோரணையை பாதிக்கிறது. மேலும் நீண்ட காலத்திற்கு அவற்றை அணிவதால் உங்கள் இடுப்பு தசைகள் முன்னோக்கி மடிக்கலாம். இது நிகழும்போது, நீங்கள் பின்புறத்திலிருந்து பெரிதும் முன்னோக்கி சாய்ந்து கொள்வீர்கள். கர்ப்பம் விரைவான எடை அதிகரிப்புக்கு காரணமாகிறது. இது தோரணையை இன்னும் அதிகமாக பாதிக்கிறது. ஹை ஹீல்ஸ் முதுகுவலியை விரைவாக மோசமடையச் செய்யும். கர்ப்ப காலத்தில், இது கீழ் முதுகு மற்றும் கால்களில் உள்ள தசைநார்களில் சிரமங்களை உருவாக்கலாம்.

கால்களில் பிடிப்புகள்: நீங்கள் நீண்ட நேரம் ஹை ஹீல்ஸ் அணியும்போது, உங்கள் கால்களில் உள்ள தசைகள் சுருங்க ஆரம்பித்து, தசைப்பிடிப்பு ஏற்படுகிறது. இது கர்ப்ப காலத்தில் மேலும் அதிகரிக்கலாம்.

சமநிலை பிரச்சனைகள்: எடை அதிகரிப்பு மற்றும் ஹார்மோன் ஏற்ற இறக்கங்கள் உங்கள் கணுக்கால் வலுவிழக்கச் செய்து, உங்கள் சமநிலையை இழக்கச் செய்கிறது. இது உங்கள் சமநிலையை சீர்குலைக்கும். இது உங்களுக்கும் உங்கள் பிறக்க போகும் குழந்தைக்கும் ஆபத்தானது.

வீங்கிய பாதங்கள்: கர்ப்ப காலத்தில் பாதங்கள் மற்றும் கணுக்கால் வீக்கம் அடிக்கடி நிகழ்கிறது. இதற்கு முக்கிய காரணம் பொருத்தமான மற்றும் வசதியான பாதணிகள் அணியாதது ஆகும். இறுக்கமான காலணிகள் மற்றும் ஹை ஹீல்ஸ் இந்த நிலைமையை மோசமாக்கலாம்.