முன்னாள் போப் ஆண்டவர் 16ஆம் பெனடிக்ட் காலமானார் : 2013ல் போப் பதவியில் இருந்து விலகியவர்!!

முன்னாள் போப் ஆண்டவர் 16-வது பெனடிக் உடல்நலக்குறைவால் காலமானார். அவருக்கு வயது 95.

கத்தோலிக்க கிறிஸ்தவர்களின் தலைவராக (போப் ஆண்டவர்) கடந்த 2005 முதல் 2013 வரை இருந்தவர் 16-ம் பெனடிக்ட். ஜோசப் ரட்சிங்கர் என்ற இயற்பெயரை கொண்ட இவர், கடந்த 1977 முதல் 1982 வரை ஜெர்மனியின் முனிச் உயர் மறைமாவட்ட பேராயராக இருந்தார்.

இவர் கடந்த 2013-ம் ஆண்டு தாமாக போப் ஆண்டவர் பதவியில் இருந்து விலகினார். அதன்பின் வாடிகன் நகரில் வசித்து வந்தார். இந்த நிலையில், முன்னாள் போப் ஆண்டவர் 16-வது பெனடிக் உடல்நலக்குறைவால் காலமானார்.

கடந்த 1415-ம் ஆண்டுக்கு பிறகு போப் ஆண்டவர் பதவியில் இருந்து தாமாக பதவி விலகியவர் 16-வது பெனடிக் என்பது குறிப்பிடத்தக்கது.