விபத்தில் சிக்கி ரத்தம் கிடைக்காமல் உயிரிழந்த இளைஞர் : இறந்து போன இளைஞருக்கு நண்பர்கள் செய்த இரத்த தானம்.. நெகிழ்ச்சி சம்பவம்!!

திருவாரூர் மாவட்டம், மன்னார்குடி அருகே கோட்டூர் பகுதியை சேர்ந்தவர் கோபால் இவரது மகன் விக்னேஷ் , இவர் தனது கிராமத்தில் இருந்து இரு சக்கர வாகனத்தில் உறவினர் ஒருவரை திருவாரூர் மருத்துவக்கல்லூரி மருத்துவமனைக்கு சிகிச்சைக்காக அழைத்து சென்று திரும்பி வரும் வழியில் ஏற்பட்ட வாகன விபத்தில் விக்னேஷ் பலத்த காயம் அடைந்தார்.

தகவலறிந்து சம்பவ இடத்திற்கு வந்த நண்பர்கள் விக்னேஷ் மீட்டு திருவாரூர் மருத்துவக்கல்லூரி மருத்துவமனைக்கு அழைத்து சென்றனர்.

விபத்தில் காயமடைந்த செந்தில் அதிகபடியான இரத்தம் இழந்ததாலும், அவர் சிகிச்சைக்கு தேவையான இரத்தம் கிடைக்காத காரணத்தால் செந்தில் உயிரிழந்தார்.

போதிய இரத்தம் கிடைக்காமல் உயிரிழந்த தங்களது நண்பனின் நினைவாகவும், இரத்தம் கிடைக்காமல் யாரும் உயிரிழக்க கூடாது என விழிப்புணர்வு ஏற்படுத்தும் வகையில் உயிரிழந்த விக்னேஷ் நண்பர்கள் 60க்கும் மேற்ப்பட்டோர் கோட்டூர் பகுதியில் இரத்ததானம் வழங்கி விழிப்புணர்வு ஏற்படுத்தினர்.

நண்பனின் நினைவாக விழிப்புணர்வு ஏற்படுத்தும் வகையில் இரத்தானம் வழங்கிய நண்பர்களுக்கு மரக்கன்றுகள் வழங்கி அனைவரும் பாராட்டி வாழ்த்து தெரிவித்தனர்.