அல்டிமேட்டான டேஸ்ட்ல கோதுமை பாயாசம் ரெசிபி!!!

நம் வீட்டில் விசேஷம் என்றாலே நிச்சயமாக மெனுவில் அன்று பாயாசம் இருக்கும். ஆனால் எப்போதும் சேமியா பாயாசம் அல்லது பருப்பு பாயாசம் என்று ஒரே மாதிரியாக செய்யாமல் சற்று வித்தியாசமாக செய்து கொடுத்தால் வீட்டில் இருப்பவர்களும் ஆசையோடு விரும்பி குடிப்பார்கள். எனவே இன்று நாம் முற்றிலும் வித்தியாசமான சுவையில் இருக்கும் கோதுமை பாயாசம் எப்படி செய்யலாம் என்பதை பார்க்கலாம்.

செய்முறை
*கோதுமை பாயாசம் செய்வதற்கு 1/2 கப் உடைத்த கோதுமையை எடுத்துக் கொள்ளவும். உடைத்த கோதுமை இல்லாத பட்சத்தில் முழு கோதுமையை மிக்ஸி ஜாரில் சேர்த்து பல்ஸ் மோடில் அரைத்து எடுத்துக் கொள்ளலாம்.

*கோதுமையை நன்றாக சுத்தம் செய்து ஒரு பாத்திரத்தில் சேர்த்து 2 கப் தண்ணீர் ஊற்றவும். குக்கரில் வைக்க நினைப்பவர்கள் 3 1/2 கப் தண்ணீர் சேர்த்து 3 விசில் விட்டு எடுத்துக் கொள்ளலாம்.

*கோதுமை வேகும் அதே சமயத்தில் வெல்லப்பாகு தயாரிப்பதற்கு 3/4 கப் வெல்லத்தை அடி கனமான பாத்திரத்தில் சேர்த்துக் கொள்ளலாம். இதில் 1/2 கப் அளவு தண்ணீர் சேர்த்து கொதிக்க வைக்கவும்.

*பாகுபதம் இதற்கு தேவையில்லை. வெல்லம் கரைந்ததும் அடுப்பை அணைத்து கொள்ளலாம்.

*அடுத்து தேங்காய் பால் செய்வதற்கு ஒரு கப் தேங்காயை மிக்ஸி ஜாரில் சேர்த்து 1/2 கப் தண்ணீர் சேர்த்து நன்றாக அரைத்து கெட்டியான தேங்காய் பால் எடுத்துக் கொள்ளவும்.

*பின்னர் அதே தேங்காயில் 3/4 கப் தண்ணீர் சேர்த்து தேங்காய் பால் எடுத்துக் கொள்ளவும்.

*மூன்றாவது முறையாக ஒரு கப் தண்ணீர் சேர்த்து தேங்காய் பால் எடுத்து வடிகட்டி வைத்துக் கொள்ளுங்கள்.

*அடுத்து கோதுமை வெந்தவுடன் அதில் தயாரித்து வைத்துள்ள வெல்லப்பாகை சேர்த்து நன்றாக கிளறவும்.

*வெல்லப்பாகுடன் கோதுமை நன்றாக பிணைந்து கேசரி பதத்திற்கு வந்தவுடன் அதில் நாம் செய்து வைத்துள்ள மூன்றாவது தேங்காய்ப்பாலை சேர்த்து 5 நிமிடம் போல வேக வையுங்கள்.

*இப்போது அளவு பாதியாக வந்தவுடன் நாம் செய்து வைத்த இரண்டாவது தேங்காய் பாலை சேர்த்து 3 நிமிடங்கள் கொதிக்க விடுங்கள்.

*இறுதியாக முதல் தேங்காய் பாலை சேர்த்து ஒரு கொதி வந்தவுடன் அடுப்பை அணைத்து விடவும்.

*இப்போது தாளிப்பு கரண்டியில் 1 1/2 டேபிள் ஸ்பூன் நெய் ஊற்றி நெய் உருகியதும் அதில் 10 முந்திரி பருப்பு மற்றும் சிறிதாக நறுக்கி வைத்த தேங்காய் துண்டுகளை சேர்த்து வறுத்து பாயாசத்தில் கொட்டவும்.

*வாசனைக்காக ஒரு சிட்டிகை அளவு ஃபிரஷ்ஷாக இடித்து வைத்த ஏலக்காய் பொடி சேர்த்து சூடாக பாயாசத்தை பரிமாறுங்கள்.