தங்கம் புற்றுநோய் சிகிச்சை மையத்தின் மூன்று நாள் மாநாடு; மேம்பட்ட புற்றுநோய் சிகிச்சை பற்றி ஆலோசனை!!

Peritoneal Surface Malignancies (PSM) – பெரிட்டோனியல் மேற்பரப்பு வீரியம் என்பது பெரிட்டோனியம் அல்லது பெரிட்டோனியத்தில் பரவும் புற்றுநோய்களைக் கையாளும் ஒரு சூப்பர் சிறப்புக் கிளை ஆகும். இவை பொதுவாக மேம்பட்ட புற்றுநோய்கள். மேலும் இது பல மருத்துவர்களால் குணப்படுத்த முடியாதவை என்று கருதப்படுகின்றன. இந்த நிலையில் நாமக்கல்லில் உள்ள தங்கம் புற்றுநோய் சிகிச்சை மையத்தில் பெரிட்டோனியல் மேற்பரப்பு வீரியம் (PSM) குறித்த மூன்று நாள் மாநாடு வரும் 10, 11 மற்றும் 12 ஆகிய தேதிகளில் நடைபெற உள்ளது. பிரத்யேக PSM யூனிட்டைக் கொண்ட நாட்டில் உள்ள மிகச் சில மையங்களில் தங்கம் புற்றுநோய் மையம் உள்ளது. இந்த மாநாட்டை மருத்துவர் தீப்தி மிஸ்ரா மற்றும் மருத்துவர் அருணா பிரபு ஆகியோர் ஒருங்கிணைக்கின்றனர்.

மேலும் இந்த கூட்டத்தில் மேம்பட்ட கருப்பை புற்றுநோய், வயிற்று புற்றுநோய், பெருங்குடல் புற்றுநோய் மற்றும் சூடோமைக்ஸோமா பெரிட்டோனி ஆகியவற்றின் தற்போதைய மேலாண்மை குறித்தும் ஆலோசிக்கப்பட உள்ளது. இந்த மாநாடு தேசிய மட்டுமின்றி சர்வதேச அளவில் மருத்துவ வல்லுநர்கள் நேரில் கலந்துகொள்ளும் முதல் மாநாடு என்ற சிறப்பை பெற்றுள்ளது.

இந்த கூட்டத்திற்கு இந்தியன் நெட்வொர்க் ஃபார் டெவலப்மெண்ட் ஆஃப் பெரிட்டோனியல் சர்ஃபேஸ் ஆன்காலஜி (INDEPSO), இந்தியன் சொசைட்டி ஆஃப் பெரிட்டோனியல் சர்ஃபேஸ் மாலிக்னன்சி (ISPSM) மற்றும் தமிழ்நாடு அசோசியேஷன் ஆஃப் சர்ஜிகல் ஆன்காலஜி (TASO) ஆகியவை ஆதரவு அளிக்கின்றன.

இந்தக் கூட்டத்தில் இந்தியாவின் பல்வேறு பகுதிகளில் இருந்து சுமார் 250 மருத்துவர்கள் பங்கேற்க உள்ளனர். பிரான்சின் லியோனைச் சேர்ந்த பேராசிரியர் ஒலிவியர் க்ளெஹென் மற்றும் பேராசிரியர் வாகன் போன்ற உலகப் புகழ்பெற்ற நிபுணர்கள், இந்த மேம்பட்ட புற்றுநோய்களுக்கு சிகிச்சையளிப்பதற்கான சர்வதேச விதிமுறைகள் பற்றிய நுண்ணறிவுகளை வழங்க உள்ளனர்.

இந்த கூட்டத்தில் இந்தியவை சேர்ந்த மருத்துவர் அதிதி பட், மருத்துவர் சங்கேத் மேத்தா, மருத்துவர் சோமசேகர், மருத்துவர் ராமகிருஷ்ணன், மருத்துவர் அய்யப்பன் மற்றும் மேலும் பல மருத்துவ நிபுணர்கள் PSM-ன் சான்றுகள் அடிப்படையிலான மேலாண்மை பற்றி விவாதிக்க உள்ளனர்.

Hospital Website : https://thangamcancercenter.com/