நான் அவங்கள மாதிரி கேங் இல்ல.. காஜல் அகர்வாலை சங்கடத்தில் ஆழ்த்திய பிரபல நடிகை!

டோலிவுட்டில் முன்னேறிக் கொண்டிருக்கும் நடிகைகளில் ஒருவரான நிதி அகர்வால், சில மாத இடைவெளிக்குப் பிறகு, தற்போது இரண்டு படங்களில் முன்னணி கதாபாத்திரமாக நடித்து வருகிறார்.

பவன் கல்யாணுடன் “ஹரி ஹர வீர மல்லு: பகுதி 1 – ஸ்வோர்ட் vs ஸ்பிரிட்” மற்றும் பிரபாசுடன் “தி ராஜா சாஹப்” திரைப்படங்கள்.

இந்த சூழலில், நேற்று தனது X கணக்கில் நிதி அகர்வால் ஒரு இன்டராக்டிவ் செஷன் #AskNidhhi நடத்தினார். அதில், அவரது ஒரு ரசிகர், “உங்களுக்கு தெலுங்கு தெரியுமா?” என்று கேட்டார்.

அந்த கேள்விக்கு பதிலளித்த நிதி அகர்வால், “ஆம், எனக்கு தெலுங்கு நன்றாக தெரியும்” என்றும், “நான் ‘அந்தரிக்கு நமஸ்காரம்’ பேட்ச் மட்டும் இல்லை” என்று குறிப்பிட்டார்.

இதையும் படியுங்க: திராட்சை வேறுதான்… தேனும் வேறுதான்.. ஒன்று சேர்ப்பதே போதை : சாக்ஷி அகர்வால் Photos!

இது வைரலாகி, பலரும் அவரது பதிவில் கருத்துக்களை பகிர்ந்தனர். பல்வேறு மாநிலங்களில் இருந்து வரும் நடிகைகள் தெலுங்கு படங்களில் நடித்தபோது, பதவுரை நிகழ்வுகளில் “அந்தரிக்கு நமஸ்காரம்” என கூறி தெலுங்கு தெரியாதவர்கள் போல நடந்து கொள்வதாக விமர்சனம் எழுந்தது.

இந்த பின்னணியில், சமூக ஊடகங்களில் பலர் நிதி அகர்வால், நடிகை காஜல் அகர்வாலை மறைமுகமாக தாக்குவதாகக் கூறினர். காரணம், காஜல் அகர்வால் பெரும்பாலும் தனது உரைக்கு முன் “அந்தரிக்கு நமஸ்காரம்” என கூறி தொடர்ந்து ஆங்கிலத்தில் பேசுவதுதான்.

ஆனால் நிதி அகர்வால் பொதுவாகவே தெலுங்கு சினிமாவில் இருக்கும் பிற மாநில நடிகைகள் பற்றிய கருத்துக்களை கூறியதுதான் என்றும், அவர்களின் பிரசார நிகழ்வுகளில் “அந்தரிக்கு நமஸ்காரம்” என மட்டுமே சொல்லி தெலுங்கு தெரிந்தவர்கள் போலவே நடிப்பதாகக் குறிப்பிட்டதுதான் என விளக்கமளிக்கப்பட்டது.

மதம் மாறச் சொன்ன அமீர்? பாவனி போட்ட ஒரே ஒரு கண்டிஷன்! இப்படி எல்லாம் நடந்திருக்கா?