விஜயை டெரர் வில்லனாக மிரட்டப் போகும் பாலிவுட் ஹீரோ.. – கெத்தான சம்பவம் பண்ண போகும் வெங்கட் பிரபு..! - Update News 360

தமிழ் சினிமாவின் கமர்சியல் ஹீரோவான விஜய் தற்போது லோகேஷ் கனகராஜ் இயக்கத்தில் லியோ திரைப்படம் இறுதிக்கட்டத்தை நெருங்கியுள்ளது. அந்த திரைப்படம் வரும் அக்டோபர் 19ஆம் தேதி திரையரங்குகளில் வெளியாக இருக்கிறது. அதனை தொடர்ந்து அடுத்ததாக தளபதி 68 படத்தில் நடிக்க உள்ளார். இப்படத்தை பிரபல இயக்குனர் வெங்கட் பிரபு இயக்கவுள்ளார் .

இந்த நிலையில் விஜய் நடிக்கும் 68வது படமான தளபதி 68 குறித்து அறிவிப்புகள் இரண்டு மாதங்களுக்கு முன்பே வெளியானது. வெங்கட் பிரபு இயக்க உள்ளதாகவும், இத்திரைப்படத்திற்கான முதற்கட்ட பணிகள் நடைபெற்று வருவதாகவும், மேலும் நடிகர்கள் தேர்வும் நடைபெறுவதாக தகவல்கள் வெளியாகி இருந்தது.

அதில் விஜய் இரண்டு கதாபாத்திரத்தில் நடிப்பதாக கூறப்படும் நிலையில், ஒரு கதாபாத்திரத்திற்கு பிரியங்கா மோகன் நடிக்க உள்ளதாக தற்போது தகவல்கள் வெளியாகி உள்ளன.

மேலும், கேப்டன் மில்லர் திரைப்படத்திற்கு ஒளிப்பதிவு செய்து வரும் சித்தார்த் நுனி ஒளிப்பதிவு செய்ய உள்ளதாகவும், விஜய் வெங்கட்பிரபு கூட்டணியில் உருவாக உள்ள திரைப்படம் திரில்லர் வகையில் உருவாகும் என கூறப்படுகிறது. மேலும், இதற்கான படப்பிடிப்பு செப்டம்பர் இறுதியில் அல்லது அக்டோபர் மாதம் தொடங்கலாம் என படக் குழுவினருக்கு நெருக்கமானவர்கள் தெரிவித்து வருகின்றனர்.

இந்த நிலையில், தளபதி 68 ல் டெரர் வில்லனாக நடிக்க பிரபல ஹிந்தி நடிகர் அமீர்கானிடம் பேச்சுவார்த்தை நடந்து வருகிறதாம். நடிகர் அமீர்கான் கடைசியாக நடித்த லால் சிங் சத்தா படம் பிளாப் ஆனதால் எந்த படத்திலும் நடிக்காமல் இருந்து வருகிறார். இந்நிலையில், ஏஜிஎஸ் நிறுவனத்தின் ஐஸ்வர்யா கல்பாத்தி சமீபத்தில் அமீர் கானை சந்தித்து பேசி இருக்கிறார். அதன் புகைப்படம் வெளியாகியிருந்தது. அதனால் அமீர்கான் தான் தற்போது தளபதி 68 வில்லனாக நடிக்கப் போகிறார் என்ற தகவல்களும் பரவி வருகிறது.