விக்கி-நயன் Loveக்கு நானும் ஒரு காரணம்.. எனக்கு அவங்க Thanks சொல்லணும்: பிரபல நடிகர் சொன்ன தகவல்..!

Quick Share

RJ-வாக தனது கேரியரை தொடங்கி, 12B திரைப்படத்தில் முக்கிய துணை கதாபாத்திரத்தில் நடித்ததன் மூலம் தமிழ் திரையுலகில் அடியெடுத்து வைத்தவர் மிர்ச்சி சிவா. இதனை தொடர்ந்து, சென்னை 600 028 மற்றும் சரோஜா திரைப்படங்கள் மூலம் மிக பிரபலம் அடைந்தார். அகில உலக சூப்பர்ஸ்டார் என அழைக்கப்படும் இவர் நடித்த ‘தமிழ் படம்’ பெரிய பிரபலம் கொடுத்தது. இவரது நடிப்பில் அடுத்ததாக “சிங்கிள் சங்கரும் ஸ்மார்ட்போன் சிம்ரனும்” என்ற திரைப்படம் வெளியாக உள்ளது.

லார்ட் ஸ்டுடியோஸ் நிறுவனம் தயாரிப்பில் விக்னேஷ் ஷா இயக்கியுள்ள இப்படத்தில் அஞ்சு குரியன், மேகா ஆகாஷ், மொட்டை ராஜேந்திரன், மாகாபா ஆனந்த் உள்ளிட்ட பலர் இப்படத்தில் நடித்துள்ளனர். லியோன் ஜேம்ஸ் இப்படத்திற்கு இசையமைத்துள்ளார். சமீபத்தில் ‘சிங்கிள் சங்கரும் ஸ்மார்ட்போன் சிம்ரனும்’ திரைப்படத்தின் ட்ரைலர் வெளியாகி இருந்தது.

ஸ்மார்ட்போன் வைத்து சிவா சந்திக்கும் பிரச்சனைகள் தொடர்பான விஷயங்களை காமெடியாக எடுத்துரைக்கும் திரைக்கதை என ட்ரைலர் மூலம் தெரிய வருகிறது. இத்திரைப்படம், பிப்ரவரி 24ம் தேதியன்று வெளியாக உள்ளதாக அதிகாரபூர்வமாக அறிவிக்கப்பட்டுள்ளது. இந்நிலையில் பிரபல சேனலின் பேட்டியில் சிவா & மேகா ஆகாஷ் கலந்து கொண்டபோது, நடிகர் சிவா, விக்னேஷ் சிவன் & நயன்தாரா குறித்து பேசியுள்ளது செம வைரலாகி வருகிறது.

அவர் கூறியதாவது, “ஒருவேளை நான் நானும் ரவுடி தான் படத்தில் நடித்திருந்தால் நயன்தாரா அந்த படத்தில் நடித்து இருப்பாங்களானு தெரியாது. நயன்தாரா நடிக்காமல் இருந்தால், விக்னேஷ் சிவனுக்கும் அவங்களுக்கும் காதல் ஏற்பட்டு இருக்குமா தெரியாது.. அவங்க காதலுக்கு நானும் ஒரு காரணம். அதுக்கு அவங்க எனக்கு Thanks சொல்லணும்” என சிவா ஜாலியாக கூறியுள்ளார்.