2 மணிநேர மலைப் பயணம்… பாபாஜி குகையில் நடிகர் ரஜினி : வைரலாகும் ஆன்மீக பயணப் புகைப்படங்கள்…!!

நெல்சன் இயக்கத்தில் நடிகர் ரஜினி நடித்துள்ள ஜெயிலர் திரைப்படம் உலகம் முழுவதும் நாளை வெளியாக உள்ளது. காவாலா, டைகர் ஹுக்கும் பாடல்கள் மற்றும ஜெயிலர் ஆடியோ வெளியீட்டு விழாவில் நடிகர் ரஜினிகாந்த்தின் பேச்சு ஆகியவை படத்தின் எதிர்பார்ப்பை ரசிகர்களிடம் பெரிதும் தூண்டியுள்ளது.

இப்படியிருக்கையில், ஜெயிலர் படம் வெளியாவதற்கு முந்தைய நாள் நடிகர் ரஜினிகாந்த் ஆன்மீகப் பயணமாக இமயமலை புறப்பட்டுச் சென்றார். அண்ணாத்த படம் தொடங்குவதற்கு முன்பு கடந்த 2019ம் ஆண்டு அக்டோபர் மாதம் ரஜினிகாந்த் இமயமலைக்கு சென்று வந்தார்.

கொரோனா பரவல் மற்றும் தனது உடல்நிலை காரணமாக கடந்த 4 ஆண்டுகளாக வெளியிடங்களுக்கு செல்வதை ரஜினி தவிர்த்து வந்தார். இந்த நிலையில், அவர் மீண்டும் இமய மலைக்கு ஆன்மிகப் பயணம் மேற்கொண்டுள்ளார். உத்தரகாண்ட் மாநிலம் ரிஷிகேஷில் உள்ள தயானந்த் சரஸ்வதி மடம் வியாசர் குகை, சரஸ்வதி நதி மறையும் இடத்திற்கு ரஜினி சென்ற புகைப்படங்கள் சமூகவலைதளங்களில் வைரலாகி வருகிறது.

இந்நிலையில், மகாவதார் பாபாஜி குகைக்கு செல்வதற்காக போலீஸ் பாதுகாப்புடன் சுமார் 2 மணி நேரம் ரஜினிகாந்த் மலையேறிய புகைப்படங்கள் தற்போது வெளியாகியுள்ளன. மேலும் அவர் பாபா குகையில் தியானம் செய்த புகைப்படங்கள் வைரலாகி வருகின்றன.

பட்டையை கிளப்பும் குடும்பஸ்தன்…அதுக்குள்ள சின்னத்திரையில்.. வெளியான மாஸ் அறிவிப்பு..!!