விஜயகாந்த் நெனச்சா அந்த ஒரு விஷயம் தான் பயம்.. நடிகை ரம்பா பகிர்ந்த உண்மை சம்பவம்..!

Quick Share

தமிழ் சினிமாவில் கேப்டனாக வலம் வந்தவர் நடிகர் விஜயகாந்த். நடிகர் – நடிகைகளுக்கு எந்த ஒரு பிரெச்சனை என்றாலும் முன்வந்து உதவி செய்து நேரம் பாராமல் திரைத்துறைக்காக பணியாற்றியவர். யார் மனதையும் நோகடிக்காது, அனைவர்க்கும் நியாயமாக சமமாக நடந்து கொள்வதில் மிகுந்த கவனமாக இருப்பவர் விஜயகாந்த்.

பெரிய நடிகர், சீனியர் நடிகர் என்ற வித்தியாசம் பாராமல் அனைவரது நிறை குறைகளை அனுசரித்து வேண்டியதை செய்து கொடுத்து வந்தவர். இவரால் பலன் பெற்றவர்கள், பிரபலம் அடைந்தவர்கள் ஏராளம். எல்லாவற்றிற்கும் மேலாக தனக்கு வரும் உணவுதான் ஊழியர்களுக்கும் கொடுக்கப்படவேண்டும் என்று சொந்த செலவிலேயே உணவை வழங்கி பசியை போக்கியவர்.

உடல்நலம் சரியில்லாமல் திரையுலகு மற்றும் அரசியல் பொதுப்பணிகளிலும் பெரிதும் ஈடுபடாமல் இருந்து வரும் விஜய்காந்த் அவர்கள் குறித்து பிரபல நடிகர் நடிகைகள் தங்களது பேட்டிகளில் பலரும் அறிந்திராத அவரது நற்குணங்கள் குறித்து பகிர்ந்து வருகின்றனர். அந்த வகையில், இப்படியொரு மாமனிதனை அந்த ஒரு விஷயத்தில் பார்த்தால் மட்டும் எனக்கு பயம் என்று நடிகை ரம்பா கூறியிருக்கிறார்.

நடிகை ரம்பாவும் கேப்டனும் இணைந்து நடித்த திரைப்படம் தர்மச்சக்கரம். இப்படத்தின் படப்பிடிப்பு பொள்ளாச்சி மற்றும் அதன் சுற்றுவட்டாரப்பகுதிகளில் நடைபெற்றதாம். அந்த நேரங்களில் மிக கடுமையாக கூட்டம் அலைமோதுமாம். அதனாலேயே அதிகாலையில் படப்பிடிப்பை திட்டமிடுவார்களாம். பொதுவாக காலை 6 அல்லது 7 மணிக்குத்தான் படப்பிடிப்பை நடத்துவார்களாம். இந்நிலையில், ஒருமுறை விஜயகாந்த் ரம்பாவிடம் எத்தனை மணிக்கு சூட்டிங் வருவாய் என்று கேட்க, அதற்கு ரம்பா 7 மணிக்குத்தானே என்று சொல்லியிருக்கிறார்.

ஆனால் கேப்டனோ நான் 4.30மணிக்கு எல்லாம் வந்து விடுவேன், நீ அதே போல் வரமுடியுமா? என்று கேட்க அதற்கு ரம்பா 6,7 மணிக்கு தானே சூட்டிங், அதுக்கு எதுக்கு 4.30 மணிக்கு என்று நினைத்துக் கொண்டு மறு நாள் போயிருக்கிறார். சொன்னபடி விஜயகாந்த் 4.30 மணிக்கு எல்லாம் வந்து உட்காந்திருக்கிறாராம். இதை பற்றி பகிர்ந்து கொண்ட ரம்பா, நேரம் விஷயத்துல மட்டும் விஜயகாந்த்தை நினைத்தால் எனக்கு கொஞ்சம் பயம் என்று கூறியுள்ளார். இந்த பேட்டி இணையத்தில் அதிகம் வைரலாகி வருகிறது.