கெத்து காட்டும் அட்டகத்தி தினேஷ்…கிடுகிடுவென சம்பளத்தை உயர்த்தி அசத்தல்…!

‘லப்பர் பந்தால்’கெத்து தினேஷ் அடிச்ச மெகா சிக்ஸ்

நடிகர் தினேஷ் பா.ரஞ்சித் இயக்கத்தில் வெளியான அட்டகத்தி திரைப்படம் மூலம் தமிழ் சினிமாவில் ஹீரோவாக அறிமுகம் ஆனார்.இப்படத்தில் இவருடைய நடிப்பு அசத்தலாக இருந்தது மட்டுமில்லாமல்,படமும் வெற்றி பெற்றது.இதனால் ரசிகர்கள் அனைவரும் அட்டகத்தி தினேஷ் என்றே அழைக்க ஆரம்பித்து விட்டனர்.

இதனையடுத்து பல படங்களில் நடித்து வந்த அவர் குக்கூ திரைப்படத்தில் பார்வையற்ற நபராக நடித்து இருப்பார் என்று சொல்லுவதை விட வாழ்ந்திருப்பார்,அந்த அளவிற்கு மிக தத்ரூபமாக ஒவ்வொரு காட்சியிலும் அசத்தியிருப்பார்.இப்படத்தில் இவர் நடித்ததன் மூலம் பல வருடமாக இவருக்கு கண்ணில் பிரச்சனை இருந்தது,அதற்காக சிகிச்சையெல்லாம் மேற்கொண்டார்,அந்த அளவிற்கு சினிமாவை நேசித்த அவருக்கு கடந்த வருடம் வெளியான லப்பர் பந்து திரைப்படம் மிகப்பெரிய திருப்பு முனையாக அமைந்தது.

இதையும் படியுங்க: தடபுடலாக தொடங்கிய “விடாமுயற்சி” டிக்கெட் முன்பதிவு…முண்டியடிக்கும் ரசிகர்கள்..!

இதில் கெத்து கேரக்டரில் சும்மா கெத்தாக நடித்திருப்பார்,இந்த படத்தின் வெற்றி மூலம் இவருக்கு அடுத்தடுத்து பட வாய்ப்புகள் வந்து குவிகின்றன.இதற்கு முன்பு வரை 1 கோடி மட்டுமே சம்பளமாக பெற்று வந்த இவர்,தற்போது தன்னுடைய சம்பளத்தை 8 கோடியாக உயர்த்தியுள்ளார்.

சினிமாவில் திறமையில்லாத பல நடிகர் நடிகைகள் அதிக தொகையை சம்பளமாக வாங்கும் பட்சத்தில்,திறமையுள்ள கெத்து தினேஷ் சம்பளத்தை உயர்த்திருப்பது தவறில்லை என்று ரசிகர்கள் கூறிவருகின்றனர்.

காதலரை பிரிந்தார் நடிகை தமன்னா.. இதுக்கும் அவருதான் காரணமா? இன்ஸ்டா பதிவால் பரபர!