நட்சத்திர நடிகரின் தங்கைக்கு வலைவீசிய பாரதிராஜா… காண்ட்டிராக்ட் போட்டு தூக்கிய எம்ஜிஆர்!

என் இனிய தமிழ் மக்களே என்று சொன்னவுடன் சட்டென நியாபகத்திற்கு வருபவர் இயக்குனர் பாரதி ராஜா. இவர் தமிழ் சினிமாவில் 16 வயதினிலே என்ற சூப்பர் ஹிட் படத்தின் மூலம் இயக்குனர் அவதாரம் எடுத்தார். பெரும்பாலும் தன் ஒவ்வொரு படங்களிலும் உணர்வு நிறைந்த நாட்டுப்புறக் கதைகளை கொடுத்து இசையமைப்பாளர் இளையராஜாவுடன் இணைந்து மறக்க இயலாத இனிய பாடல்களைத் தந்துள்ளார்.

இயக்குனர் பாரதிராஜா ராதிகா, ராதா, ரேவதி, ரேகா, ரஞ்சிதா, போன்ற பல கதாநாயகிகளை அறிமுகம் செய்தவர். இவர் சில படங்களில் நடித்தும் உள்ளார். பல்வேறு சூப்பர் ஹிட் படங்களை கொடுத்து தமிழ் சினிமாவின் முத்தான இயக்குநரகளில் ஒருவரான பாரதி ராஜாவிடம் உதவி இயக்குனர்களாக பாக்யராஜ், மணிவண்ணன், மனோபாலா, சித்ரா லட்சுமணன், மனோஜ்குமார், பொன்வண்ணன், சீமான், லீனா மணிமேகலை ஆகியோர் உதவி பணியாற்றி உள்ளனர்.

இந்நிலையில் சமீபத்தில் சித்ரா லட்சுமணன் யூடியூப்பிற்கு சேனலுக்கு பேட்டிக்கொடுத்த பாரதி ராஜா, முதல் படம் இயக்கும்போது பிரபலங்களை வைத்து படம் எடுத்துவிட்டு அடுத்தடுத்த படங்களில் மட்டும் புதுமுகங்களை நடிக்க வைத்தீர்கள்?என்ற கேள்விக்கு… முதலில் கிழக்கே போகும் ரயில் படத்தில் கமல் ஹாசன், ஸ்ரீதேவி தான் நடிக்கவிருந்தனர். ஆனால் அவர்களின் டேட் இல்லாமல் போனது.

அதே போல் தான் ஒரு பிரபல டாப் நடிகரின் தங்கச்சியை புக் பண்ணேன். அது யாருன்னு பேர் சொல்ல கூடாது. அந்த பொண்ணை நான் ஹீரோயினா புக் பண்ணிட்டு போய்ட்டேன். அந்த படத்தில் விஜயன், பாக்யராஜ் தான் அசிஸ்ட்டண்ட் ஆக இருந்தார்கள். அந்த சமயம் ஹைதராபாத்தில் நான் பிஸியாக இருந்த போது அந்த பொண்ணு வரல, என்னன்னு பார்த்தா, எம்ஜிஆர் காண்ட்டிராக்ட் போட்டு தூக்கிட்டு போய்ட்டாரு… அதனால் தான் நான் பெரும்பாலும் புதுமுகங்களை வைத்து படமெடுத்தேன் என கூறினார்.

Views: - 393

0

3