பிக்பாஸ் 8 சீசன் துவங்கும் தேதி லாக் பண்ணியாச்சு…. என்னைக்கு தெரியுமா?

விஜய் தொலைக்காட்சியில் கடந்த 7 ஆண்டுகளாக தொடர்ந்து ஒளிபரப்பாகி வரும் நிகழ்ச்சி தான் பிக் பாஸ் இந்த நிகழ்ச்சி இதுவரை 7 சீசன்கள் முடிவடைந்து விரைவில் 8-வது சீசன் துவங்க இருக்கிறது. முதல் சீசனில் இருந்து இந்த நிகழ்ச்சியை பிரபல நடிகரும் உலகநாயகனுமான கமலஹாசன் தான் தொகுத்து வழங்கி வந்தார்.

இந்த நிலையில் 8-வது சீசன் தான் தொகுத்து வழங்கப் போவதில்லை எனக்கூறி அதிரடியான அறிவிப்பை ஒன்றை வெளியிட்டு அதிலிருந்து வெளியேறி இருந்தார். இதனால் அக்டோபர் மாதம் துவங்கவிருக்கும் பிக் பாஸ் சீசன் 8 நிகழ்ச்சி தொகுத்து வழங்கப் போவது யார் ?என்ற பேச்சு தான் கடந்த சில நாட்களாக சமூக வலைத்தளங்களில் பரபரப்பாக பேசப்பட்டு வந்தது.

பின்னர் பிக் பாஸ் சீசன் 8 நிகழ்ச்சி தொகுப்பாளராக விஜய் சேதுபதி தான் கமிட் ஆகி உள்ளதாக அதிகாரபூர்வமாக அறிவித்தார்கள். ப்ரோமோ வீடியோவும் வெளியாகியிருந்தது. விஜய் சேதுபதி கமல் விட்டு சென்ற இடத்தை நிரப்புவாரா என்பது ரசிகர்களின் கேள்வியாக இருந்து வருகிறது. இந்நிலையில் பிக்பாஸ் 8 சீசன் அடுத்த மாதம், அக்டோபர் 13ம் தேதி தொடங்க வாய்ப்பிருப்பதாக தகவல் வந்திருக்கிறது. விரைவில் இதுகுறித்த அதிகாரப்பூர்வ அறிவிப்பு வெளியாகலாம்.