Blue Sattai மாறன் திரையரங்கில் தாக்கப்பட்டாரா.? வைரலான புகைப்படத்தின் பின்னணி என்ன..?

ஒவ்வொரு திரைப்படம் வெளிவரும் போதும்,’ப்ளூ சட்டை’ மாறனின் விமர்சனத்தை எதிர்பார்த்து இருக்கும் ரசிகர் பட்டாளம் ஏராளம். அதேசமயம், படம் எடுக்கும் இயக்குனர்கள் மற்றும் நடிகர்கள் குறித்து தனது பாணியில் அதிரடியாக ‘ப்ளூ சட்டை’ மாறன் சொல்லும் விமர்சனம் சினிமா துறையினரிடையே பெரும் சலசலப்பை ஏற்படுத்தும்.

குறைசொல்வது சுலபம், ஆனால் படம் பண்ணுவது கடினம் என்று இவரது விமர்சனத்தை சுட்டிக்காட்டும் விமர்சகர்களுக்கு சவால் விடும் படமாக
‘ப்ளூ சட்டை’ மாறனின் ஆன்டி இந்தியன் திரைப்படம் சமீபத்தில் வெளியாகி கலவையான விமர்சனத்தை பெற்றிருந்தது.

இருப்பினும், பாரதிராஜா உள்பட பல மூத்த இயக்குனர்கள் ஆன்டி இந்தியன் படம் பார்த்து ‘நீ சாதிச்சுட்டடா… எங்களை விமர்சிக்க உனக்கு தகுதி இருக்குடா’ என்று புகழ்ந்திருந்தனர். இதை ஆயுதமாக எடுத்து கொண்ட ‘ப்ளூ சட்டை’தங்போது நடிகர்களை விமர்ச்சிப்பதில் எல்லை மீறி வருகிறார்.

சமீபத்தில், வெளிவந்த வலிமை திரைப்படம் திரையங்குகளில் வெற்றி நடை போட்டு கொண்டிருக்கிறது. அதில், அஜித் முகத்தில் தொப்பை விழுந்திருக்கிறது, டான்ஸ் ஆடுவது மாவு பிசைவது போல இருக்கிறது என்றெல்லாம் ப்ளூ சட்டை மாறன் ட்விட்டரில் ட்ரோல் செய்து இருந்தார். அஜித்தை இப்படி பேசியதற்கு பலரும் அவருக்கு கண்டனம் தெரிவித்து வருகின்றனர்.

இந்நிலையில் நேற்று முதல் ப்ளூ சட்டை மாறனை யாரோ திரையரங்கில் வைத்து அடித்து விட்டனர் என்று செய்தி வெளியானது. அவர் திரையரங்கில் இருப்பது போன்று புகைப்படங்களும் வெளியானது. தற்போது இது முற்றிலும் பொய்யான தகவல் என்று ப்ளூ சட்டை மாறன் தெரிவித்துள்ளார். இது குறித்து ட்டுவிட்டர் பக்கத்தில் ‘தியேட்டர்னா நாலு பேர் பாக்க வருவாங்க. முடிஞ்சதும் வெளிய போவாங்க. அதை மறைஞ்சி நின்னு ஏன்டா போட்டோ எடுத்த? நேர்ல வந்து எடுத்து தொலைய வேண்டியதுதான? இதை ஷேர் பண்ணுற அளவுக்கு நான் செலப்ரிட்டி இல்ல. எப்படியோ…வைரல் பப்ளிசிட்டி தந்த அந்த தம்பிக்கு ரொம்ப நன்றி’ என்று பதிவிட்டுள்ளார்.

கேப்டன் விஜயகாந்த் நினைவு நாள்…கண் கலங்கிய சினிமா பிரபலங்கள்..!

Views: - 2262

1

1