DD உனக்கெல்லாம் இந்த டிரஸ் தேவையா.. நிகழ்ச்சி நடக்கும் போது ஆடையை மாற்ற சொன்ன நடிகை..!

டிவி ரசிகர்கள் மத்தியில் மிகவும் பிரபலமானவர் டிடி எனும் திவ்யதர்ஷினி. இவர் நிகழ்ச்சியை தொகுத்து வழங்கும் ஸ்டைலே தனி. இவரின் நிகழ்ச்சிக்கு வரும் எந்த ஒரு பிரபலமும் முகம் சுளிக்கும் வகையில் கலகலப்பாக நிகழ்ச்சியை தொகுத்து வழங்குவார். இதனாலேயே இவருக்கென தனி ரசிகர் வட்டம் உள்ளது.

நல தமயந்தி, விசில், பவர்பாண்டி, துருவநட்சத்திரம், சர்வம் தாள மயம் உள்பட சில திரைப்படங்களிலும் இவர் நடித்துள்ளார். கடந்த 2014ம் ஆண்டு ஸ்ரீகாந்த் ரவிச்சந்திரன் என்பவரைத் திருமணம் செய்து கொண்டார். ஆனால் அந்த திருமணப் பந்தம் நீடிக்கவில்லை. இருவரு சட்டப்படி பிரிந்து விட்டனர்.

அதை எல்லாம் கடந்து, தற்போது, 35 வயதாகும் DD க்கு மாப்பிள்ளை பார்த்துக் கொண்டிருக்கிறார்களாம். விரைவில் இவரின் திருமணத்தை குறித்த அதிகாரப்பூர்வ தகவல் வெளியாகும் என எதிர்பார்க்கப்படுகின்றது.

இந்நிலையில், சமீபத்தில் பேட்டி ஒன்றில் கலந்து கொண்ட டிடி தொகுப்பாளினியாக இருந்த சமயத்தில் தனக்கு நேர்ந்த மோசமான நிகழ்வை பகிர்ந்துள்ளார். அதாவது, எந்த கெஸ்டும் என்னை கோபப்படுத்தியதில்லை. ஒருமுறை என்னுடைய நிகழ்ச்சிக்கு ஒரு ஹீரோயின் விருந்தினராக வந்தார். அவர் அந்த நிகழ்ச்சிக்கு தாமதமாக தான் வந்தார். அந்த நடிகையின் உடையும் என்னுடைய உடையும் ஒரே மாதிரியாக இருந்தது. அப்போது, அந்த நடிகை என்னிடம் வந்து டிடி நீங்க வேற ஏதும் டிரஸ் எடுத்துட்டு வந்து இருக்கீங்களா? என்று சொன்னார். இதை கேட்டதும் எனக்கு கஷ்டமாகிவிட்டது. தொகுப்பாளராக இருந்து கொண்டு உனக்கு எதுக்கு இந்த டிரஸ் என்ற கண்ணோட்டத்தில் என்னிடம் பேசினார். இருப்பினும் அந்த நடிகையிடம் மரியாதையாக தான் பேட்டி எடுத்தேன் என்று டிடி தெரிவித்துள்ளார்.