பிரபல திரைப்பட நடிகர் ஹரிஷ் கல்யாண் தனது திருமண செய்தியை ட்விட்டரில் உறுதிப்படுத்தி இருக்கிறார். தனது வருங்கால மனைவியின் கையைப் பிடித்துக் கொண்டிருக்கும் போட்டோவை ட்விட்டரில் வெளியிட்டு நல்ல தொடக்கங்கள் ஆரம்பிக்கின்றது என்று கூறியிருக்கிறார். இந்த தகவலை அவர் விஜயதசமி நாளில் தனது ரசிகர்களுக்கு அறிவித்திருக்கிறார்.
தமிழ் சினிமாவில் தொடர்ந்து பிரபலங்களின் திருமணங்கள் நடந்து வருகின்றது. வெள்ளித்திரை, சின்னத்திரை என்று பலர் திருமணத்தை இந்த ஆண்டில் முடித்துள்ளனர். சில மாதங்களுக்கு முன்பு நயன்தாரா – விக்னேஷ் சிவன் திருமணமும், நிக்கி கல்ராணி – ஆதி திருமணமும் மிகப் பிரமாண்டமாக நடந்தது. வெள்ளி திரையில் இந்த இரண்டு திருமணங்களும் பெரிய அளவில் பேசப்பட்டது.
சின்னத்திரையில் குக் வித் கோமாளி புகழ் பென்சியா திருமணம், பிளாக் ஷீப் ஓனர் விக்னேஷ் காந்த் திருமணம், பரிதாபங்கள் கோபி மற்றும் சுதாகர் இருவரின் திருமணம், விஜய் டிவியின் செல்லம்மா சீரியல் கதாநாயகன் அர்னவின் திருமணம், ராஜா ராணி சீரியலில் செந்தில் ஆக நடித்து வரும் பாலாஜியின் திருமணம், ரவீந்தர் மகாலட்சுமி திருமணம் என இந்த வருடம் முழுவதும் சின்னத்திரை மற்றும் வெள்ளி திரையின் முக்கியமான நபர்களின் திருமணங்கள் நடந்து முடிந்துள்ளன.
இந்த நிலையில் அடுத்த திருமணமாக ஹரிஷ் கல்யாண் திருமணம் நடைபெற இருக்கிறது. திரைப்பட விநியோகஸ்தர் கல்யாணின் மகன்தான் ஹரிஷ் கல்யாண். அவர் 2010 ஆம் ஆண்டு வெளியான சிந்து சமவெளி என்ற படத்தின் மூலமாக அறிமுகமானார்.
இதற்கிடையே ஹரிஷ் கல்யாணத்துக்கு நிச்சயம் முடிந்து விட்டதாக ஆங்கில ஊடகத்தில் செய்தி வெளியானது. ஆனால் இவ்வளவு நாள் இந்த செய்தியை பற்றி வாய் திறக்காமல் இருந்து வந்தார் ஹரிஷ் கல்யாண். மேலும் அந்த செய்தியில் செப்டம்பரில் திருமணம் நடைபெறும் என்று தெரிவிக்கப்பட்டிருந்தது.
அந்த திருமண செய்தியை தற்போது ஹரிஷ் கல்யாணம் உறுதிப்படுத்தி இருக்கிறார். வருங்கால மனைவியின் கையை பிடித்து இருக்கும் புகைப்படத்தை பதிவிட்ட அவர் புதிய தொடக்கம் என்று குறிப்பிட்டுள்ளார். ஆனால் மணப்பெண் யார் என்ற குறித்த விவரங்கள் வெளியாகவில்லை. எனினும் தொடர்ந்து ரசிகர்கள் அவர்களுக்கு வாழ்த்துக்களை கூறி வருகின்றனர்.
தேர்தலை நோக்கி விஜய் 2026 ஆம் ஆண்டு சட்டமன்ற தேர்தலை விஜய் சந்திக்கவுள்ள நிலையில் அதற்கான ஆயத்தங்களை மிகத் தீவிரமாக…
மதுரை முனிச்சாலை தினமணி தியேட்டர் சந்திப்பில் மதிமுக முதன்மை செயலாளரும், திருச்சி நாடாளுமன்ற உறுப்பினருமான துரை வைகோ தலைமையில் கண்டன…
இயக்குநர் பாலா உருவாக்கும் படங்கள் தனித்தரம் வாய்ந்தவை. தமிழ் சினிமாவில் தனக்கென பாணியில் உருவாக்கி சாதனை படைத்தவர். நடிக்கத் தெரியாதவர்களை…
சுந்தர் சி-நயன்தாரா கூட்டணி 2020 ஆம் ஆண்டு நயன்தாரா அம்மனாக நடித்து வெளிவந்த “மூக்குத்தி அம்மன்” திரைப்படம் ரசிகர்களிடையே மிகப்பெரிய…
திருவள்ளூர் வடக்கு மாவட்ட அதிமுக சார்பில் பழவேற்காடு தாங்கள் பெரும்புலம் அவுரிவாக்கம் உள்ளிட்ட ஊராட்சிகளுக்கு பூத் கமிட்டி ஆலோசனைக் கூட்டம்…
கமல்ஹாசன்-சிம்பு-மணிரத்னம் மணிரத்னம் இயக்கத்தில் கமல்ஹாசன், சிம்பு ஆகியோரின் நடிப்பில் உருவாகியுள்ள “தக் லைஃப்” திரைப்படம் வருகிற ஜூன் மாதம் 5…
This website uses cookies.