படத்தை விட்டுட்டு அரசியலுக்கு வந்தால் படுதோல்வி நிச்சயம் - விஜய்க்கு எச்சரிக்கை விடுத்த பிரபலம்! - Update News 360

சினிமாவை பொறுத்தவரை நல்ல நல்ல படங்களில் நடித்து தொடர் ஹிட் கொடுத்து மக்கள் மனத்தில் நல்ல ஒரு இடத்தை பிடித்துவிட்டால் நடிகர்களின் அடுத்தகட்ட வளர்ச்சியாக தேர்ந்தெடுக்கும் ஒரே விஷயம் “அரசியல் ” சினிமாவை தாண்டியும் அரசியல்வாதியாக இருப்பதும் நல்ல சக்ஸஸ் தான் கொடுக்கும் என்பதை நிரூபித்து காட்டியவர் எம்ஜிஆர். அவரது வளர்ச்சியையும் வெற்றிகளையும் பார்த்து வளர்ந்து வரும் ரஜினி, கமல், விஜய் உள்ளிட்ட பல டாப் நடிகர்களுக்கு அரசியல் மோகம் வந்துவிட்டது.

அவர்கள் படங்களில் நடித்து பெயரை சம்பாதித்துவிட்டு அதைவைத்து அரசியலில் குதித்துவிட்டார்கள். அப்படித்தான் நடிகர் விஜய்யும் அரசியலுக்கு வரவேண்டும் என பல வருடங்களாக முனைப்புடன் இருந்து வந்தார். இப்போது தான் அதற்காக சரியான நேரம் வந்துள்ளது. விஜய் மக்கள் இயக்கம் மூலம் அரசியல் கட்சிகளுக்கு நிகராக பல்வேறு சமூக பணிகளில் ஈடுபட்டு வருகிறார்.

அதன்படி அன்னதானம், குழந்தைகளுக்கு சத்தான உணவுகள், உலக பட்டினி தினத்தையொட்டி தமிழகம் முழுவதும் ஏழைகளுக்கு மதிய உணவு என விஜய் மக்கள் இயக்க நிர்வாகிகள் தொடர்ந்து மக்கள் சேவையில் இறங்கினர். அதே போல் அண்மையில் விஜய் 234 தொகுதிகளிலும் 10-ம் வகுப்பு, 12-ம் வகுப்பு பொதுத் தேர்வில் வெற்றி பெற்ற மாணவ-மாணவிகளுக்கு விருது வழங்கும் விழா நடத்தி அரசியல் என்ட்ரி குறித்து பேசி தமிழகம் முழுக்க கவனத்தை ஈர்த்தார்.

இப்படி தொடர்ந்து முழு வீச்சில் அரசியலில் இறங்கவுள்ள விஜய் தற்போது நடித்து வரும் லியோ படத்தோடு தனது நடிப்பு தொழிலை நிறுத்திக்கொள்ளலாம் என முடிவெடுத்துள்ளதாக செய்திகள் வெளியானது. இது குறித்து பதில் அளித்த மூத்த பத்திரிகையாளர் கே. ராஜன், விஜய் அப்படியெல்லாம் நடிப்பை விட்டுவிட சாத்தியமே இல்லை. வருடத்திற்கு ஒரு படமாவது நிச்சயம் நடிப்பார். படத்தை விட்டுட்டு அரசியலுக்கு வந்தால் படுதோல்வி நிச்சயம் என கூறி விஜய்யை எச்சரித்துள்ளார்.