பிரமாண்ட பொருட்செலவில் ஜேம்ஸ் கேமரூன் இயக்கத்தில் உருவாகி உள்ள ‘அவதார்: தி வே ஆஃப் வாட்டர், உலகம் முழுதும் 52 ஆயிரம் திரையரங்குகளில் இன்று வெளியாகி உள்ளது. தமிழ்நாட்டில் படத்தை வெளியிட விநியோக நிறுவனத்துடன் சில திரையரங்குகள் உடன்பாடு செய்த நிலையில் படம் அனைத்து பகுதிகளிலும் வெளியானது. டாப் ஹீரோக்களுக்கு போட்டியாக இந்தப்படம் ரிலீஸ் ஆனது.
2009-ம் ஆண்டு ஜேம்ஸ் கேமரூன் இயக்கத்தில் வெளிவந்த “அவதார்” திரைப்படம், உலக சினிமாவில் அதுவரை இருந்த அத்தனை வசூல் சாதனைகளையும் முறியடித்து, 23 ஆயிரம் கோடிகளை குவித்து உலகில் அதிகம் வசூல் ஈட்டிய “அவதார்” படம் என்ற புதிய சாதனையைப் படைத்தது. இந்தியாவில் மட்டும் 100 கோடிகளைக் கடந்து வசூல் ஈட்டி சாதனை படைத்தது.
இரண்டாம் பாகமான “Avatar: The Way Of Water” 13 ஆண்டுகளுக்குப் பிறகு, அவதார் திரைப்படத்தின் வெளியாகி உள்ளது. முதல் பாகத்தின் தொடர்ச்சியாக உருவாகியுள்ள இரண்டாம் பாகத்தின் சிறப்பு முன்னோட்ட காட்சிகளை பார்த்தவர்கள், பிரம்மிப்பை ஏற்படுத்தக் கூடிய வகையில் காட்சிகள் அமைக்கப்பட்டுள்ளதாக கூறியுள்ளனர்.
160 மொழிகளில், உலகம் முழுதும் சுமார் 52 ஆயிரம் திரையரங்குகளில், வெளியாக உள்ளது “Avatar: The Way Of Water” திரைப்படம். இந்தியாவில் மட்டும் இந்தி, தமிழ், தெலுங்கு உள்ளிட்ட 5 மொழிகளில் மூன்றாயிரம் திரையரங்குகளில் வெளியாகிறது.
முன்பதிவு தொடங்கிய நிலையில் இந்தியாவில் சுமார் 10 கோடிக்கு மேலாக டிக்கெட் விற்றுள்ளதாக கூறப்படுகிறது. டெல்லி பிவிஆர் சினிமாவில் இரண்டாயிரத்து 500 ரூபாயும், என்.சி.ஆர் பகுதியில் 700 முதல் ஆயிரத்து 600 ரூபாய் வரையும் டிக்கெட் விற்பனையாவதாகவும், மும்பையில் 500 ரூபாய் முதல் ஆயிரம் வரை இருக்கும் என எதிர்பார்க்கப்படுகிறது.
அறிவியல் புனைகதை வரிசையில், தோற்ற மெய்ம்மை எனப்படும் விர்ச்சுவல் ரியாலிட்டி தொழில்நுட்பத்தில், 250 பில்லியன் செலவில் எடுக்கப்பட்டுள்ள அவதார் இரண்டாம் பாகமும், பல்வேறு சாதனைகளை நிகழ்த்தும் என்றே எதிர்பார்க்கப்படுகிறது.
இந்நிலையில், ‘அவதார் 2’ படம் வெளியாகிய மூன்று நாட்களில் இந்தியாவில் மட்டும் ரூ.133 கோடி வசூலித்து உள்ளது. இதில் விடுமுறை தினமான நேற்று மட்டும் இப்படம் ரூ.50 கோடியை வசூலித்து இருக்கிறது.
அதேபோல் உலகளவில் ‘அவதார் 2’ படம் மூன்று நாட்களில் ரூ.3 ஆயிரத்து 598 கோடி வசூலித்துள்ளதாக கூறப்படுகிறது. இப்படத்தின் வசூல் நாளுக்கு நாள் அதிகரித்து வருவதால் இப்படம் விரைவில் அவதார் முதல் பாகத்தின் வசூலை முறியடித்துவிடும் என எதிர்பார்க்கப்படுகிறது.
இயக்குனர் ஜேம்ஸ் கேமரூன் அவதார் 2 படத்தின் வசூலைப் பொறுத்து தான் அதன் அடுத்த பாகத்தை வெளியிடுவது குறித்து முடிவு எடுப்பேன் என தெரிவித்திருந்தார். தற்போது அவர் எதிர்பார்த்தபடியே அவதார் 2 படத்தின் வசூல் விண்ணைமுட்டும் அளவுக்கு நாளுக்கு நாள் அதிகரித்து வருவதால் விரைவில் அவதார் மூன்றாம் பாகம் உருவாக அதிக வாய்ப்புள்ளதாக கருதப்படுகிறது.
நேஷனல் கிரஷ் இந்திய இளைஞர்களின் மத்தியில் நேஷனல் கிரஷ்ஷாக வலம் வருபவர் ராஷ்மிகா மந்தனா. இவரின் கியூட்டான ரியாக்சன்களுக்காகவே இவரை…
பத்ம பூஷன் அஜித்குமார் நேற்று ஜனாதிபதியின் கைகளால் இந்தியாவின் உயரிய விருதான பத்ம பூஷன் விருதை பெற்றார் அஜித்குமார். தனது…
அதிமுக பொதுச்செயலாளர் எடப்பாடி பழனிசாமி தனது X தளப்பதிவில், கள்ளச்சாராய ஆட்சிக்கு! கள்ளக்குறிச்சியே சாட்சி! சட்டம் ஒழுங்கு சீர்கேட்டிற்கு மாணவர்கள்…
STR 49 மணிரத்னம் இயக்கத்தில் கமல்ஹாசனுடன் சிம்பு இணைந்து நடித்த “தக் லைஃப்” திரைப்படம் வருகிற ஜூன் 5 ஆம்…
நடிகர் அஜித்குமாருக்கு நேற்று பத்ம பூஷன் விருது வழங்கப்பட்டது. இது அஜித ரசிகர்கள் மட்டுமல்லாமல் உலகளவில் உள்ள தமிழர்களுக்கு பெருமை…
தமிழ் சினிமாவில் கதநாயாகியாக நடித்து பின்னர் வாய்ப்பு இல்லாமல் குடும்பம், குழந்தை என செட்டில் ஆன நடிகைதான் கஸ்தூரி. திருமணத்திற்கு…
This website uses cookies.