சுதா கொங்கரா இயக்கத்தில் சிவகார்த்திகேயன் நடித்து வரும் “பராசக்தி” திரைப்படத்தின் படப்பிடிப்பு மும்முரமாக நடைபெற்று வருகிறது. இத்திரைப்படத்தின் 60% காட்சிகள் படமாக்கி முடிக்கப்பட்டுவிட்டதாக தகவல் வருகிறது. இத்திரைப்படத்தின் பல காட்சிகள் இலங்கையில் படமாக்கப்பட்டு வந்தது. இதனை தொடர்ந்து சில காட்சிகளை சென்னையிலேயே செட் போட்டு படமாக்க முடிவு செய்துள்ளனராம்.
“பராசக்தி” திரைப்படம் 1960களில் நடந்த ஹிந்தி திணிப்பு எதிர்ப்பு போராட்டத்தை மையமாக வைத்து உருவாகி வரும் திரைப்படம் என்று கூறப்படுகிறது. இதனால் 1960கள் சம்பந்தப்பட்ட காட்சிகளுக்காக இன்றும் அந்த காலகட்டத்தை அப்படியே பிரதிபலிக்க கூடிய பல இடங்கள் இலங்கையில் இருப்பதால் பல காட்சிகள் அங்கே படமாக்கப்பட்டதாம்.
இந்த நிலையில் மீதமுள்ள பல காட்சிகளை சென்னையிலேயே செட் போட்டு எடுக்க முடிவு செய்துள்ளனராம். அந்த வகையில் சென்னை கிழக்கு கடற்கரைச் சாலையில் ஒரு இடத்தில் அமைந்துள்ள 15 ஏக்கர் தனியார் நிலப்பரப்பில் 1960களின் மதுரையை அப்படியே செட் போட்டு வருகின்றனராம். 1960களில் மதுரையில் போராட்டம் நடப்பது போன்ற சில காட்சிகள் படத்தில் இடம்பெறுவதால் இந்த செட் அமைக்கப்பட்டு வருவதாக தகவல்கள் தெரிவிக்கின்றன.
“பராசக்தி” திரைப்படத்தை சுதா கொங்கரா இயக்கி வரும் நிலையில் இதில் சிவகார்த்திகேயனுக்கு வில்லனாக ரவி மோகன் நடித்து வருகிறார். மேலும் இவர்களுடன் அதர்வா, ஸ்ரீலீலா உள்ளிட்ட பலரும் நடித்து வருகின்றனர். இத்திரைப்படத்திற்கு ஜிவி பிரகாஷ் இசையமைத்து வரும் நிலையில் Dawn Pictures நிறுவனம் இத்திரைப்படத்தை தயாரித்து வருகிறது. இத்திரைப்படம் 2026 ஆம் ஆண்டு பொங்கலை முன்னிட்டு வெளியாக அதிக வாய்ப்புகள் உள்ளதாக கூறப்படுகிறது.
தேர்தலை நோக்கி விஜய் 2026 ஆம் ஆண்டு சட்டமன்ற தேர்தலை விஜய் சந்திக்கவுள்ள நிலையில் அதற்கான ஆயத்தங்களை மிகத் தீவிரமாக…
மதுரை முனிச்சாலை தினமணி தியேட்டர் சந்திப்பில் மதிமுக முதன்மை செயலாளரும், திருச்சி நாடாளுமன்ற உறுப்பினருமான துரை வைகோ தலைமையில் கண்டன…
இயக்குநர் பாலா உருவாக்கும் படங்கள் தனித்தரம் வாய்ந்தவை. தமிழ் சினிமாவில் தனக்கென பாணியில் உருவாக்கி சாதனை படைத்தவர். நடிக்கத் தெரியாதவர்களை…
சுந்தர் சி-நயன்தாரா கூட்டணி 2020 ஆம் ஆண்டு நயன்தாரா அம்மனாக நடித்து வெளிவந்த “மூக்குத்தி அம்மன்” திரைப்படம் ரசிகர்களிடையே மிகப்பெரிய…
திருவள்ளூர் வடக்கு மாவட்ட அதிமுக சார்பில் பழவேற்காடு தாங்கள் பெரும்புலம் அவுரிவாக்கம் உள்ளிட்ட ஊராட்சிகளுக்கு பூத் கமிட்டி ஆலோசனைக் கூட்டம்…
கமல்ஹாசன்-சிம்பு-மணிரத்னம் மணிரத்னம் இயக்கத்தில் கமல்ஹாசன், சிம்பு ஆகியோரின் நடிப்பில் உருவாகியுள்ள “தக் லைஃப்” திரைப்படம் வருகிற ஜூன் மாதம் 5…
This website uses cookies.