அவருடன் நான் நிம்மதியாக இருக்கிறேன்… காதலன் பிறந்தநாளில் நெகிழ்ச்சியான பதிவு!

சினிமா பின்பலமே இல்லாத குடும்பத்தில் பிறந்து வளர்ந்து திறமையால் முன்னேறிய பிரபலங்கள் கோலிவுட் சினிமாவில் பலர் உள்ளனர் அந்த லிஸ்டில் டாப் நடிகையாக மார்கெட் பிடித்திருப்பவர் தான் நடிகை பிரியா பவானி ஷங்கர். இவர் செய்தி வாசிப்பாளராக இருந்து சினிமாவிற்குள் நுழைந்தார்.

ஆரம்பத்தில் நியூஸ் Anchor ஆக தனது Career-ஐ தொடங்கிய பிரியா, விஜய் டிவியில் ஒளிபரப்பான கல்யாணம் முதல் காதல் வரை தொடரின் மூலம் நடிகையாக அறிமுகமானார். அதன்பின் மேயாதமான் படத்தின் மூலம் சினிமாவில் வந்த இவர் பெரிதும் கவனிக்கப்பட்டார். அடுத்த படமே பாண்டிராஜ் இயக்கத்தில் கார்த்தியுடன் நடிக்க கடைக்குட்டி சிங்கம் படத்தில் நடிக்க, எல்லோர் மத்தியிலும் பிரபலம் ஆனார்.

அதன்பின் கார்த்திக் நரேன் இயக்கத்தில் மாஃபியா படத்தில் நடித்தார், ஆனால், அது சரியாக ஓடவில்லை. அதன் பிறகு களத்துல சந்திப்போம் படம் சுமாராக ஓடியது. இப்போது ஹாட்ஸ்டார் இல் ரிலீஸான ‘ஓ மன பெண்ணே’ மக்களிடையே நல்ல வரவேற்பைப் பெற்றது. Blood Money என்கிற படமும் ஓரளவுக்கு வரவேற்பு இருக்கிறது. தொடர்ந்து அடுத்தடுத்த திரைப்படங்களில் நடித்து வருகிறார்.

இந்நிலையில் இன்று தனது காதலர் ராஜவேலுவின் பிறந்தநாளில் அவருடன் எடுத்துக்கொண்ட சில ரொமான்டிக் புகைப்படங்களை வெளியிட்டு, ” சிறந்த மனிதர், எனது சிறந்த நண்பர், நாங்கள் மகிழ்ச்சியாக இருக்கிறோம், சண்டையிடுகிறோம், அழுகிறோம், சமாதானம் செய்கிறோம். என் காதலன் சத்தமாகவும் நம்பிக்கையுடனும் பல வித்தியாசமான தவறான வரிகளில் பாடல் பாடுகிறார்.

நாங்கள் முற்றிலும் வெவ்வேறு கேரக்டராக இருந்தாலும் என்னை நிறைவு செய்கிறார். நாங்கள் அபூரணர்களாக இருந்தாலும், அவருடன் அன்பாக இருப்பதை எப்படியாவது எளிதாகவும் மகிழவும் செய்கிறார். அவருடன் நான் நிம்மதியாக உணர்கிறேன். அவருடன் நான் மிகவும் ஜாலியாக இருக்கிறேன், மேலும் அவருடன் நான் அமைதியாக உட்கார்ந்து ஒரு அழகான சூரிய அஸ்தமனத்தைப் பார்த்து, என் ஸ்வாரஸ்யங்களை பற்றி பேச முடியும். அவர் போதும். இந்த வாழ்க்கையை நான் ஆனந்தமாக கடக்க கோடி மடங்கு போதும்….பிறந்தநாள் வாழ்த்துக்கள் ராஜவேல் ..இருவர் வானம் வேறென்றாலும் காதல் என கூறி அவருக்கு பிறந்த வாழ்த்துக்கள் கூறியுள்ளார்.