கேட்க கூடாத கேள்வி கேட்ட தொகுப்பாளர்… பிரியங்கா மோகனின் நெத்தியடி பதில்!

லட்சணமான முக ஜாடையுன் தமிழ் சினிமாவில் அறிமுகமாகி மிகக்குறுகிய நாட்களிலேயே பிரபலமானவர் நடிகை பிரியங்கா மோகன். இவர் சிவகார்த்திகேயனின் டாக்டர் படம் மூலம் தமிழ் கோலிவுட்டில் பிரபலமான நடிகையாக பார்க்கப்பட்டார். இவர் கடந்த 2019ஆம் ஆண்டு இயக்குனர் க்ரிஷ் கிரிஜா ஜோஷி இயக்கத்தில் வெளியான “ஒந்து கதை ஹெல” என்ற கன்னட படத்தின் மூலம் திரையுலகில் அறிமுகமானார்.

ஆனால், அந்த படம் பெரிய அளவில் ஓடவில்லை. இதனால் பிரியங்கா மோகன் அடையாளம் இல்லாமல் இருந்தார். அதன் பின்னர் அதே ஆண்டு தெலுங்கில் வெளியான ‘கேங் லீடர்’ படத்திலும் நானிக்கு ஜோடியாக நடித்தார். இந்த படம் சூப்பர் ஹிட் வெற்றிபெறவே, அனைத்து தரப்பு ரசிகர்கள் பார்வையும் இவர் மீது பட துவங்கியது. தமிழில் டாக்டர் படம் மூலம் நுழைந்து ரசிகர்கள் மனதில் நீங்கா இடம்பிடித்தார்.

அப்படத்தை தொடர்ந்து டான், எதற்கும் துணிந்தவன் என முன்னணி நடிகர்களுடன் ஜோடி சேர்ந்து நடித்து முன்னணி நடிகை என்ற இடத்தை பிடித்தார். கடைசியா இவர் தனுஷ் நடிப்பில் வெளியாகி திரையரங்குகளில் வெற்றிகரமாக ஓடிக்கொண்டிருக்கும் கேப்டன் மில்லர் திரைப்படத்தில் வேல்மதி என்ற கேரக்டரில் ஹீரோயினாக நடித்திருந்தார்.

இந்நிலையில் சமீபத்திய பேட்டி ஒன்றில் தொகுப்பாளர், உங்களின் சினிமா வாழ்க்கையில் நீங்கள் சந்தித்த மோசமான அனுபவம் எது? என கேட்டதற்கு, நான் இப்போதுதான் சினிமாவில் அறிமுகமாகி இருக்கிறேன். அதற்குள் என்னுடைய சினிமா வாழ்க்கையில் மோசமான அனுபவம் என்று கேட்டால் என்ன பதில் சொல்வது? அதற்குள் என் சினிமா வாழ்க்கையே முடிக்க பார்க்கிறீர்களா? என கோபத்திலும் தெளிவான பதில் அளித்தார்.