வசூலில் பாகுபலியை மிஞ்சிய புஷ்பா 2 : பாக்ஸ் ஆபிஸ் மன்னனாகும் அல்லு அர்ஜூன்!

மைத்ரி மூவீஸ் தயாரிப்பில், சுகுமாறன் இயக்கத்தில் 2021ஆம் ஆண்டு வெளியான “புஷ்பா” திரைப்படம் தெலுங்கில் தயாரிக்கப்பட்டாலும், தென்னிந்திய மொழிகள் மற்றும் ஹிந்தியில் வெளியானது. படம் இந்தியா முழுவதும் ரசிகர்களால் வரவேற்கப்பட்டு, மாபெரும் வெற்றி பெற்றது. இப்படத்தின் கதை முடிவில் இரண்டாம் பாகத்திற்கான முன்னோட்டம் சேர்க்கப்பட்டதால், ரசிகர்கள் செம த்ரில் அனுபவத்துடன் திரையரங்குகளை விட்டு வெளியேறினர்.

புஷ்பா 2 : வெற்றிக்கு முன்பே சாதனை!

“புஷ்பா 2” திரைப்படம் வரும் டிசம்பர் 5 அன்று திரையரங்குகளில் வெளியாகவுள்ளது, மற்றும் இதற்காக ரசிகர்கள் ஆவலுடன் காத்திருக்கின்றனர். சமீபத்தில் வெளியான படம் தொடர்பான ட்ரெய்லர், மிக பிரமாண்டமாக உருவாக்கப்பட்டு சமூக வலைதளங்களில் பெரும் வரவேற்பைப் பெற்றுள்ளது. மேலும், “புஷ்பா” தொடரின் மூன்றாவது பாகம் உருவாகும் என தகவல்கள் தெரிவிக்கின்றன.

வெளியீட்டுக்கு முன்பே ரூ.1,000 கோடிகளை தாண்டிய வருவாய்!

ரிலீசுக்கு முன்பே “புஷ்பா 2” ரூ.1,086 கோடிகளுக்கும் அதிகமான வருவாய் ஈட்டியுள்ளது. இதுவரை எந்த இந்திய திரைப்படமும் வெளியீட்டுக்கு முன் இத்தனை அளவு வருவாய் ஈட்டியதில்லை. இந்த சாதனை இந்திய திரையுலகில் பரபரப்பை ஏற்படுத்தியுள்ளது.

திரையரங்க உரிமம்:

ஆந்திரா மற்றும் தெலங்கானா: ரூ.220 கோடி
வட இந்தியா : ரூ.200 கோடி
தமிழ்நாடு : ரூ.50 கோடி
கர்நாடகா : ரூ.30 கோடி
கேரளா : ரூ.20 கோடி
வெளிநாடு : ரூ.140 கோடி
மொத்தம் : ரூ.660 கோடி
ஓடிடி உரிமம் : நெட்பிளிக்ஸ் ரூ.275 கோடிக்கு வாங்கியது.

சாட்டிலைட் உரிமம்:

ரூ.84 கோடி

மியூசிக் உரிமம்:

ரூ.67 கோடி

மொத்த வருவாய்:
ரிலீசுக்கு முன்பே ரூ.1,086 கோடிகளை தாண்டியதால், படக்குழு பெரும் நம்பிக்கையுடன் உள்ளது.

அல்லு அர்ஜுனின் சம்பளம்:
புஷ்பா 2 படத்துக்காக அல்லு அர்ஜுன் ரூ.300 கோடி சம்பளம் பெற்றதாக கூறப்படுகிறது. இதன் அடிப்படையில், அவர் அடுத்த படங்களில் மேலும் அதிக சம்பளம் வாங்குவார் என எதிர்பார்க்கப்படுகிறது.

வெற்றியின் எதிர்பார்ப்பு:
ரிலீசுக்குப் பிறகு “புஷ்பா 2” பல மடங்கு வசூல் செய்யும் என படக்குழுவும், ரசிகர்களும் உறுதியாக நம்புகின்றனர்.

Views: - 130

0

0