படப்பிடிப்புக்கு வராமல் ஓய்வெடுத்த ரஜினி… சம்பளத்தை வாங்க மறுத்து ஹிட்டான பிளாக்பஸ்டர் படம்!!

நடிகர் ரஜினிகாந்த், இந்திய சினிமாவின் சூப்பர் ஸ்டார் என அனைவராலும் கொண்டாடப்படும் ஒரு மகத்தான பிரபலம். தனது மாஸான நடை, ஸ்டைல், மற்றும் பஞ்ச் வசனங்களின் மூலம் இன்றும் மக்களை மகிழ்வித்து வருகிறார்.

அவரது சமீபத்திய திரைப்படமான “வேட்டையன்” ரசிகர்களிடம் மிகுந்த வரவேற்பை பெற்றது. தொடர்ந்து, கூலி படத்தில் நடித்து வருகிறார்.

இந்த நிலையில், ரஜினிகாந்த் சம்பளம் எடுக்காமல் நடித்த ஒரு திரைப்படம் பற்றிய சுவாரஸ்யமான தகவலை தயாரிப்பாளர் ஒருவரின் பேட்டி வெளிக்கொண்டு வந்துள்ளது. அவர் கூறியதாவது:

“1983-ஆம் ஆண்டு ஜெகநாதன் இயக்கத்தில் வெளியான ‘தங்கமகன்’ திரைப்படம், ரஜினிகாந்தின் திரைப்பயணத்தில் மிக முக்கியமான வெற்றி பெற்ற படங்களில் ஒன்று. படம் பெரிய அளவில் வசூல் சாதனை படைத்தது. ஆனால், படப்பிடிப்பின் போது ரஜினிகாந்த் உடல் நலக்குறைவால் பாதிக்கப்பட்டதால், ஷூட்டிங் சுமார் ஒன்றரை மாதங்களுக்கு நிறுத்தப்பட்டது. பின்னர் உடல் நலம் தேறிய அவர், சிறப்பான நடிப்பை வெளிப்படுத்தி படத்தை வெற்றிக்குக் கொண்டுவந்தார்.

படக்குழு அவருக்கு ரூ.10 லட்சம் சம்பள பாக்கியை வழங்க சென்றபோது, ரஜினிகாந்த் ‘இந்தத் திரைப்படத்தால் உங்களுக்கு பெரிய நஷ்டம் ஏற்பட்டிருக்கும்’ என்று கூறி, அந்த தொகையை வாங்க மறுத்தார். அதை தயாரிப்பாளரிடமே விட்டுவிடுமாறு தெரிவித்தார்,” என்று குறிப்பிட்டார்.

ரஜினிகாந்தின் இந்த மனநிலையும், பண்பும் அவரது ரசிகர்களிடையே அந்நியமாகாமல் தொடர்ந்து அவரை ஒரு வாழும் தொண்டனாக உயர்த்துகிறது.

60 வயதில் 3வது திருமணம்… கல்யாண வயதில் உள்ள மகனை மறந்த பிரபல நடிகர்!