சம்பளத்தை பற்றி கவலையே வேண்டாம்... ரஜினியை தாஜா பண்ணிய சன் பிச்சர்ஸ்!

தமிழ் சினிமாவின் சூப்பர் ஸ்டார் ரஜினிகாந்த்திற்கு தற்போது 72 வயது ஆகிறது. இன்னுமும் ஸ்லிம் பிட் தோற்றத்தை வைத்து மாஸ் ஹீரோவாக திரைப்படங்களில் நடித்து வருகிறார். அவருக்கு அடுத்து எத்தனை இளம் நடிகர்கள் வந்தாலும் கனவில் கூட சூப்பர் ஸ்டார் இடத்தை நிரப்பவே முடியாது.

பெங்களூர் போக்குவரத்துக் கழகத்தில் நடத்துனர் வேலை பார்த்துக் கொண்டிருந்த போது நாடகத் திரைப்படங்களில் நடிக்கத் தொடங்கிய ரஜினிகாந்த் அதன் பின்னர் அபூர்வ ராகங்கள் திரைப்படத்தில் நடித்து அறிமுகமானார். ஆரம்பத்தில் பெரும்பாலும் வில்லன் ரோல்களில் நடித்து வந்த ரஜினிகாந்த் பின்னர் அதிரடி ஹீரோவாக அவதாரமெடுத்து சூப்பர் ஸ்டார், தலைவர் என ரசிகர்களால் பட்டம் சூட்டப்பட்டார்.

தொடர்ந்து பல்வேறு ஹிட் படங்களில் நடித்து பல ஆண்டுகளாக முன்னணி நட்சத்திர நடிகராக இருந்து வருகிறார். தற்போது ரஜினி ஜெயிலர் படத்தில் நடித்து வருகிறார். இப்படத்திற்கு பிறகு லால் சலாம் மற்றும் தலைவர் 170 ஆகிய படங்களை கைவசம் வைத்துள்ளார். இந்த இரண்டு படங்களையும் முடித்துவிட்டு ரஜினி லோகேஷ் கனகராஜ் இயக்கத்தில் புதிய படமொன்றில் நடிக்க உள்ளார்.

இப்படத்தை தயாரிக்க பெரிய நிறுவனங்கள் போட்டி போட்டுக்கொண்டு ரஜினியின் சம்பளத்தை பேசியது. ஆனால், ரஜினி எனக்கு ரூ. 115 கோடி போதும் ஆனால் படம் மிகப்பெரிய அளவில் ஹிட் அடிக்கணும். எனக்கு பாட்சா வெற்றி போல் இந்த படம் அமைய வேண்டும் என கேட்டுக்கொண்டாராம். இதெற்கெல்லாம் சம்மதித்து ரஜினிக்கு அவர் கேட்டதை விட கூடுதலாக சம்பளத்துடன் ஒப்புக்கொண்டுள்ளது சன் பிச்சர்ஸ் நிறுவனம்.