நான் பண்ணதவிட இன்பநிதி அதிகமா லூட்டி பண்ணிட்டு இருக்கான்.. உதயநிதி ஓபன் டாக்..!

Quick Share

தமிழ்நாட்டு விளையாட்டு துறையில் அமைச்சராகவும், நடிகராகவும் திகழ்ந்து வருபவர் உதயநிதி ஸ்டாலின். இவர் கழகத் தலைவன் படத்திற்கு பின் மாமன்னன் படம் தான் தன்னுடைய கடைசி படம் என்று தெரிவித்து இருந்தார்.

இன்று மாமன்னன் திரைப்படம் மாரி செல்வராஜ் இயக்கத்தில் திரையரங்குகளில் வெளியாகி ரசிகர்கள் மத்தியில் நல்ல வரவேற்பை பெற்று வருகிறது. இந்தப் படத்திற்காக உதயநிதி ஸ்டாலின் பல பேட்டிகளில் கலந்துகொண்டு பல விஷயங்களை பகிர்ந்து வந்துள்ளார்.

அப்படி தொகுப்பாளர் கோபிநாத் எடுத்த ஒரு பேட்டி ஒன்றில், தன்னுடைய காதல் மற்றும் மகனின் காதல் குறித்து கேட்கப்பட்ட கேள்விக்கு, பதில் அளித்த உதயநிதி ஸ்டாலின் கிருத்திகா பன்னிரெண்டாம் வகுப்பு படிக்கும் போது தான் கல்லூரியில் முதலாம் ஆண்டு படித்து வந்தேன்.

அப்போதிலிருந்து 7, 8 வருடமாக கிருத்திகாவை காதலித்து வந்ததாகவும், இது பற்றி தனது தந்தையிடம் தனியாக பேச வேண்டும் என்று கூறி சம்மதம் வாங்கியதாகவும், காதல் திருமணம் இல்லை என்றால் ஒருமாதிரி பார்க்க ஆரம்பித்து எதாவது பிரச்சனையான்னு கேட்க ஆரம்பிச்சிட்டாங்க, லவ் மேரேஜ் சர்வ சாதாரணமா ஆகிடுச்சு என் பையனும் நான் பண்ணுவதை விட அதிகமா லூட்டி அடிச்சிட்டு இருக்கார். அவன் கிட்டயே பார்த்து பண்ணுப்பா வயசுக்கு ஏத்த மாதிரி பண்ணுப்பா என்று சொல்லி இருக்கேன் என்று உதயநிதி வெளிப்படையாக தனது காதல் குறித்தும் மகனின் காதல் குறித்தும் கூறியுள்ளது தற்போது இணையதளத்தில் வைரலாகி வருகிறது.