அஜித்தை மறைமுகமாக தாக்கி பதிவிட்ட விக்னேஷ் சிவன்.. வைரலாகும் லேட்டஸ்ட் பதிவு..!

போடா போடி திரைப்படத்தின் மூலம் தமிழ் திரையுலகில் இயக்குனராக அறிமுகமானவர் விக்னேஷ் சிவன். விக்னேஷ் சிவன் இயக்கத்தில் வெளியாகி பிளாக் பஸ்டர் அடித்த நானும் ரவுடி தான் படத்தில் கதாநாயகியாக நடித்த நயன்தாரா உடன் காதல் ஏற்பட்டது. 7 ஆண்டுகளுக்கு மேலாக காதலித்து வந்த இவர்கள், இருவீட்டாரின் சம்மதத்தின் பெயரில் கடந்த ஜுன் 9ம் தேதி நயன்தாரா – விக்னேஷ் சிவன் திருமணம் நடைபெற்றது.

கடைசியாக இவர் இயக்கத்தில் வெளிவந்து இருந்த படம் காத்துவாக்குல ரெண்டு காதல். இந்த படத்தில் நயன்தாரா, விஜய் சேதுபதி, சமந்தா உட்பட பல நடிகர்கள் நடித்திருந்தனர். இப்படம் வெளியாகி ரசிகர்கள் மத்தியில் நல்ல வரவேற்பை பெற்று இருந்தது. இதனை அடுத்து விக்னேஷ் சிவன், அஜித்தை வைத்து ஏகே 62 படத்தை இயக்கவிருந்தார்.

இப்படத்தின் ஷூட்டிங் விரைவில் தொடங்கவுள்ளதாக கூறப்பட்டு வந்த நிலையில், அஜித் நடிக்கவிருக்கும் AK62 படத்தின் கதை தயாரிப்பு நிறுவனத்திற்கு பிடிக்காத காரணத்தினால் இப்படத்தை இயக்குவதில் இருந்து இயக்குனர் விக்னேஷ் சிவன் விலகுவதாக தகவல் வெளியானது. அவருக்கு பதிலாக மகிழ் திருமேனியை கமிட் செய்தார் அஜித்.

இதற்கு ரசிகர்கள் பலரும் அவருக்கு ஆறுதல் தெரிவித்து வந்த நிலையில், தனது வலி, வேதனை, அவமானம் குறித்து பதிவு ஒன்றை வெளியிட்டுள்ளார். இயக்குநர் விக்னேஷ் சிவன் தனது இன்ஸ்டா பக்கத்தில், “வாழ்க்கையில் நாம் அனுபவிக்கும் அனைத்து வலிகளிலும் ஒரு நன்மை இருக்கிறது, பாராட்டும், வெற்றியும் நமக்குக் கற்பிப்பதை விட, அவமானம் மற்றும் தோல்வியின் அனுபவம் நிறைய கற்றுக்கொடுக்கிறது.

எனது Wikki6ஆவது படத்திலிருந்து ஒரு போதும் பின் வாங்கமாட்டேன். இன்று, நான் மகிழ்ச்சியாக இருக்கிறேன். என் குழந்தைகளுடன் நேரத்தை செலவிட எனக்கு சிறிது நேரம் கொடுத்த பிரபஞ்சத்திற்கு நன்றி” என்று குறிப்பிட்டுள்ளார். அதுமட்டுமின்றி மகனுக்கு முத்தமிடும் புகைப்படத்தையும் பகிர்ந்துள்ளார். இந்தப் பதிவு தற்போது சமூக வலைதளங்களில் வைரலாகி வருகிறது.

View this post on Instagram

A post shared by Vignesh Shivan (@wikkiofficial)

விடாமுயற்சி படத்தில் அஜித்தின் சம்பளம் எவ்வளவு தெரியுமா? ரெஜினாக்கு டிமாண்ட்!