கார்த்தி, நாகார்ஜூனா, தமன்னா உள்ளிட்டோர் நடிப்பில் வெளியான தோழா திரைப்படத்தின் மூலம் தமிழ் திரையுலகில் அறிமுகமானவர் இயக்குனர் வம்சி பைடிபல்லி. இவரது இயக்கத்தில் தமிழ் திரையுலகின் டாப் நடிகரான தளபதி விஜய் நடிப்பில் வெளியான திரைப்படம் வாரிசு. கடந்த ஜனவரி 11ம் தேதி பொங்கல் பண்டிகையை முன்னிட்டு திரையரங்குகளில் வெளியான இத்திரைப்படம் மக்கள் மத்தியில் நல்ல வரவேற்பை பெற்று வசூலையும் குவித்தது.
இப்படத்தில் விஜய் ஜோடியாக நடிகை ராஷ்மிகா மந்தனா நடித்து இருந்தார். மேலும் சரத்குமார், யோகிபாபு, பிரபு, எஸ்.ஜே.சூர்யா, ஜெயசுதா, கணேஷ் வெங்கட்ராமன், பிரகாஷ் ராஜ், ஷியாம், சங்கீதா, ஸ்ரீகாந்த், சம்யுக்தா, விடிவி கணேஷ் என பெரிய நட்சத்திர பட்டாளமே நடித்திருந்தது. இப்படத்திற்கு தமன் இசையமைத்து இருந்தார்.
இப்படத்தின் பாடல்கள் பட்டிதொட்டியெங்கும் ஹிட் அடித்தது. இந்நிலையில், ரிலீஸ் ஆனது முதல் அமோக வரவேற்பை பெற்று வரும் வாரிசு திரைப்படம், பாக்ஸ் ஆபிஸிலும் வசூலை குவித்து வருகிறது. அதன்படி வெளியான 7 நாட்களில் இப்படம் 210 கோடிக்கு மேல் வசூலித்து இருந்ததாக படக்குழு அதிகாரப்பூர்வமாக அறிவித்திருந்தது. தொடர்ந்து வெற்றிகரமாக ஓடி வரும் வாரிசு திரைப்படம், விரைவில் 300 கோடி கிளப்பிலும் இப்படம் இணைய வாய்ப்புள்ளதாக கூறப்படுகிறது.
இந்நிலையில், வாரிசு திரைப்படத்தின் வெற்றியை நடிகர் விஜய், படக்குழுவினருடன் சேர்ந்து சிம்பிளாக கொண்டாடி உள்ளார். ஐதராபாத்தில் வாரிசு படத்தின் சக்சஸ் பார்ட்டி நடைபெற்றுள்ளது. இதில் நடிகர் விஜய், இயக்குனர் வம்சி, தயாரிப்பாளர் தில் ராஜு, இசையமைப்பாளர் தமன், பாடலாசிரியர் விவேக், நடிகர் ஷியாம் உள்ளிட்டோர் கலந்துகொண்டனர்.
வாரிசு படத்தின் சக்சஸ் பார்ட்டிக்கு தளபதி விஜய் புது வித ஹேர்ஸ்டைலுடன் வந்திருந்தார். சக்ஸஸ் பார்ட்டியின் புகைப்படங்கள் வெளியாகி சமூக வலைதளத்தில் வைரலாகி வரும் நிலையில், விஜய் லுக்கை பார்த்த நெட்டிசன்கள், தளபதி67 பட லுக்கில் விஜய் வந்திருப்பதாக கூறிவருகின்றனர்.
வாரிசு படம் பிரம்மாண்டமாக இருந்ததோ இல்லையோ, இந்தப் படத்தில் விஜய்யின் குடும்பங்கள் தங்கியிருந்த வீடு மிகப் பிரம்மாண்டமாகவே இருந்தது. இது ரசிகர்களை வாயடைக்க வைத்தது.
இந்த பிரமாண்டமான வீட்டைப் பற்றி சில தகவல்கள் சமூகவலைத்தளங்களில் வெளியாகியுள்ளது. இந்த பிரமாண்ட வீடு உண்மையான வீடு கிடையாதாம். அது செட் தானாம். சுமார் ரூ.8 கோடி செலவில் இந்த செட் வீட்டை கட்டி உள்ளனர்.
இந்த வீட்டிற்குள் அமைந்திருந்த ஃபர்னிச்சர்ஸ் எல்லாமே புதியதாக வாங்கப்பட்டதாம். இதற்கே படக்குழுவினர் பல கோடியை செலவு செய்துள்ளனர்.
அந்த செட் வீடு இருந்த இடம் தில் ராஜுவின் இடமாம். அவருக்கு சொந்தமான இடத்தில் தான் அந்த பிரம்மாண்ட செட்டை படக்குழுவினர் அமைத்துள்ளனர். தற்போது இது குறித்த செய்தி சமூகவலைத்தளங்களில் வைரலாகி வருகிறது.
இந்த தகவலை பார்த்த ரசிகர்கள் 10 ஏக்கர் நிலப்பரப்பில் இந்த அளவுக்கு செட் போட்டு அமைந்த படக்குழுவினர் கதையில் கொஞ்சம் உஷாராக இருந்திருக்கலாம் என்று கமெண்ட் செய்து வருகின்றனர்.
ஆந்திர துணை முதல்வரும் ஜனசேனா கட்சி தலைவருமான பவன் கல்யாண் தமிழகத்தில் ஆன்மீக பயணம் மேற்கொண்டு கடந்த பிப்ரவரி மாதம்…
நிறைவேற்றப்பட்ட வக்ஃபு வாரிய மசோதா இன்று மக்களவையில் ஒன்றிய பாஜக அரசால் வக்ஃபு வாரிய சட்டத் திருத்த மசோதா நிறைவேற்றப்பட்டுள்ளது.…
நஷ்டத்தில் தத்தளிக்கும் லைகா லைகா நிறுவனம் தமிழ் திரையுலகில் காலடி எடுத்து வைத்ததை தொடர்ந்து பல வெற்றித் திரைப்படங்களை கொடுத்தது.…
ஐபிஎல் 2025 தொடர் விறுவிறுப்பாக நடந்து வருகிறது. இதில் 10 அணிகளுக்கு இடையே நடந்து வரும் போட்டியில் புள்ளி பட்டியலில்…
கும்பமேளாவில் ருத்ராட்சை மாலை விற்றுக்கொண்டிருந்தவர் மோனாலிசா. இவரது புகைப்படம் இணையத்தில் படுவைலரானது. காரணம் பார்ப்பதற்கு நடிகை போலவும், கண்கள் பலரையும்…
மகனை இழந்த இமயம்… இயக்குனர் இமயம் பாரதிராஜாவின் மகனான மனோஜ் பாரதிராஜா கடந்த மார்ச் மாதம் 25 ஆம் தேதி…
This website uses cookies.