ரிலீசுக்கு முன் விஜய்யின் வாரிசு படத்தின் முதல் விமர்சனம்: எப்படி இருக்கு கலக்கலா?… சொதப்பலா?…

இயக்குநர் வம்சி இயக்கும் ‘வாரிசு’ படத்தில் நடித்துள்ளார் விஜய். தில் ராஜு தயாரித்துள்ள இப்படம் ஒரு எமோஷனல் குடும்பப் படம் என்று கூறப்படுகிறது. வித்தியாசமான கேரக்டரில் விஜய் நடித்துள்ள இப்படத்தில் அவருக்கு ஜோடியாக ராஷ்மிகா மந்தனா நடித்துள்ளார்.

இவர்களுடன் பிரகாஷ் ராஜ், பிரபு, சரத்குமார், கணேஷ் வெங்கட்ராமன், ஷாம், குஷ்பு, சங்கீதா, யோகி பாபு, சம்யுக்தா ஆகியோர் முக்கிய வேடங்களில் நடித்துள்ளனர். வாரிசு படத்தின் மூலம் விஜய் படத்திற்கு முதன்முறையாக இசையமைக்கும் வாய்ப்பைப் பெற்றார் தமன். கடந்த வாரம் இப்படத்தின் இசை வெளியீட்டு விழா நடந்தது. இதில் விஜய் உள்ளிட்ட படக்குழுவினர் கலந்துக் கொண்டனர்.

துணிவு படத்தின் டிரெய்லர் வெளியாகி ரசிகர்களிடையே நல்ல வரவேற்பை பெற்றது. எனவே, வாரிசு படத்தின் டிரெய்லர் எப்படி இருக்கப் போகிறது..? நல்ல படமாக இருக்க வேண்டும் என்று விஜய் ரசிகர்கள் வேண்டி கொண்டிருந்தனர்.

இந்த நிலையில், ஏற்கனவே அறிவித்தபடி, வாரிசு படத்தின் டிரெய்லர் வெளியானது. அதில், வாரிசு படம் குடும்ப ரீதியான பாடமாக இருப்பது போன்று அமைந்துள்ளது. விஜய் ரசிகர்களிடையே நல்ல வரவேற்பை பெற்றிருந்தாலும், எதிர்மறையான விமர்சனங்களும் எழுந்து வருகிறது.

காமெடி, செண்டிமெண்ட், ஆக்‌ஷன் என பக்கா கமர்ஷியல் அம்சங்கள் நிறைந்த டிரைலராக இது இருந்தாலும், இந்த டிரைலரை பார்த்த ரசிகர்கள் கடும் அப்செட் ஆகி உள்ளனர்.

இப்படத்தின் இயக்குனர் தமிழ் படங்களின் சாயலில் தான் வாரிசு படத்தை எடுத்திருக்கிறேன் என்று சமீபத்தில் நடந்த பேட்டியில் தெரிவித்திருந்தார். ஆனால் சிலர் வாரிசு படம் மகேஷ் பாபு படங்களின் ரீமேக் போன்று இருக்கிறது என ட்ரைலர் பார்த்த பின் இணையத்தில் கலாய்த்து வருகின்றனர்.

இதைதொடர்ந்து வாரிசு திரைப்படம் ட்ரைலர் மெகா சீரியல் போல இருக்கிறது. இதற்கு முன்பு தமிழ் படங்களில் வந்த கதையே தான் எடுத்து வைத்திருக்கிறார்கள் என்று ரசிகர்கள் பாரபட்சம் பார்க்காமல் ட்ரோல் செய்கின்றனர் .

இந்நிலையில் விஜயின் வாரிசு படத்தின் விமர்சனத்தை ஒருவர் இணையத்தில் பதிவிட்டிருந்தார். அது தற்போது செம வைரலாகி வருகின்றது. அதில் குறிப்பிட்டவாறு, வாரிசு படத்தின் கதையில் ஒன்றும் புதுமை இல்லை என்றாலும் திரைக்கதை சுவாரஸ்யமாக இருப்பதாகவும், மொத்த படத்தையம் விஜய் தன் தோல்களில் தாங்கியுள்ளார்.

என்றும், படத்தின் செண்டிமெண்ட் காட்சிகள் வெகுவாக ஒர்கவுட் ஆகியுள்ளது. வாரிசு படத்தில் குறை என்று பார்த்தல் நீளம் தான். முதல் பாதியில் சில காட்சிகளை நீக்கியிருந்தால் படம் இன்னும் செமையாக வந்திருக்கும்.

மொத்தத்தில் வாரிசு திரைப்படம் விஜய்க்கு ஒரு வெற்றிப்படமாக அமையும் என அவர் விமர்சனத்தில் தெரிவித்துள்ளார். ஆனால் இது எந்தளவிற்கு உண்மை என்பது தெரியவில்லை.