குட்டி கோலி வந்துட்டாரு… அனுஷ்கா ஷர்மாவுக்கு ஆண் குழந்தை பொறந்தாச்சு – என்ன பெயர் தெரியுமா?

பாலிவுட் சினிமாவின் முன்னணி நடிகையான அனுஷ்கா சர்மா இந்திய கிரிக்கெட் அணியின் முன்னாள் கேப்டன் விராட் கோலியை கடந்த 2017-ம் ஆண்டு டிசம்பர் 11-ம் தேதி காதல் திருமணம் செய்து கொண்டார். திருமணத்திற்குப் பிறகு அனுஷ்கா கடந்த ஐந்து வருடங்களாக சினிமாவில் நடிக்காமல் இருக்கிறார்.

இந்த தம்பதிக்கு கடந்த ஜனவரி 2021-ம் ஆண்டு வாமிகா என்ற பெண் குழந்தை பிறந்தது. அதையடுத்து இவர்களுக்கு தற்ப்போது ஒரு ஆண் குழந்தை பிறந்துள்ளது. இதனை இந்த ஜோடி மிக மகிழ்ச்சியுடன் தங்களது சமூக வலைத்தள பக்கத்தில் வெளியிட்டுள்ளனர்.

அந்த பதிவில் “பிப்ரவரி 15-ம் தேதி எங்கள் ஆண் குழந்தை “அகாய்” பிறந்துள்ளான். வமிகாவின் சிறிய சகோதரனையும் இந்த உலகிற்கு வரவேற்றோம். எங்களது இதயங்களில் மகிழ்ச்சியும் அன்பும் முழுவதுமாக நிறைந்துள்ளது.எங்களது குடும்பத்தின் புது உறுப்பினரான வாமிகாவின் சகோதரன் அகாயை இந்த உலகத்துக்கு வரவேற்கிறோம் என பதிவிட்டு தங்களின் மகிழ்ச்சியை வெளிப்படுத்தியுள்ளனர்.