வாய்ப்பில்லாமல் 75 ரூபாய் சம்பளத்துக்கு இசையமைத்த யுவன் : வளர்த்துவிட்டதே நான் தான்.. இயக்குநர் பேச்சால் சர்ச்சை!!

Quick Share

சினிமாவை பொறுத்தவரையில் எத்தனையோ இசையமைப்பாளர்கள் வருகிறார் ஆனால் ஜொலிக்க முடியாமல் காணமல் போய்விடுவார்கள்.

ஆனால் இன்றளவும் தவிர்க்க முடியாத இசையமைப்பாளராக திகழ்ந்து வருபவர் தான் யுவன் சங்கர் ராஜா. இவர் இசைஞானி இளையராஜாவின் வாரிசாக சரத்குமார் நடித்த அரவிந்தன் படம் மூலம் இமைசயமைப்பாளராக அறிமுகமானார்.

பின்னர் ஒரு சில படங்களில் பணியாற்றி வந்தார். பின்னர் துள்ளுவதோ இளமை, மௌனம் பேசியதே உள்ளிட்ட திரைப்படங்கள் மூலம் தனது வெற்றிப்படிகளை ஆரம்பித்த அவர், இன்றளவும் இளசுகளின் மனதுகளை இசையால் வென்று வருகிறார்.

இப்படியிருக்கையில் இயக்குநர் ஜே.சுரேஷ் என்பவர் அளித்த ஒரு பேட்டியில், யுவன் வாய்ப்பில்லாமல் முடங்கி கிடந்தார். அப்போது நான் ஜூனியர் சீனியர் என்ற திரைப்படத்தை இயக்கினேன்.

பின்னர் யுவனுக்கு அந்த வாய்ப்பை கொடுத்தேன். அப்போது அவரது சம்பளம் வெறும் 75 ரூபாய்தான் என கூறினார். மேலும் அரவிந்தன் படம் தோல்வியை தழுவியதாகவும், ஜூனியர் சீனியர் படத்தால்தான் யுவனுக்கு அடுத்தடுத்து வாய்ப்புகள் வந்தது என கூறியுள்ளார்.

இந்த பேட்டி இணையத்தில் வைரலான நிலையில், யுவனின் ரசிகர்கள் கடும் கோபமடைந்து இயக்குநர் சுரேஷை கடுமையாக விமர்சித்து வருகின்றனர். ஜுனியர் சீனியர் படத்தை விட அரவிந்தன் படத்தில் பாடல் ஹிட் ஆனது குறிப்பிடத்தக்கது.