இந்தமாதிரி ஒரு முறை பாசிப்பருப்பு பாயாசம் வச்சுபாருங்க…ருசில மெய் மறந்து போய்டுவீங்க!!!

பாயாசல்தில் பல வகைகள் உண்டு. சேமியா பாயாசம், பாசிப்பருப்பு பாயாசம், அவல் பாயாசம் என்று அடுக்கிக் கொண்டே போகலாம். இன்று நாம் பருப்பு பாயாசத்தை எப்படி வித்தியாசமான முறையில் செய்வது என்பது பற்றி பார்ப்போம்.

தேவையான பொருட்கள்:
பாசிப்பருப்பு- 1கப்
தேங்காய் பால்- 1கப்
பசும்பால்- 1/2 கப்
ஏலக்காய்- 2
வெல்லம்- 1/4 கப்
முந்திரி பருப்பு- 5
பாதாம் பருப்பு- 5
நெய்- 2 ஸ்பூன்

செய்முறை:
*முதலில் பாசிப்பருப்பை சுத்தம் செய்து கழுவி, அரை மணி நேரம் ஊற வைக்கவும்.

*ஊற வைத்த பாசிப்பருப்பை மூன்று கப் தண்ணீர் ஊற்றி குக்கரில் வேக வைத்து எடுத்து கொள்ளலாம்.

*ஒரு பாத்திரத்தை அடுப்பில் வைத்து வேக வைத்த பாசிப்பருப்பை வேக வைக்க பயன்படுத்திய தண்ணீருடன் மசித்து சேர்த்து கொள்ளவும்.

*இப்போது வெல்லத்தை பொடித்து சேர்க்கவும்.

*வெல்லம் கரைந்ததும் பசும்பால் ஊற்றவும்.

*பால் நன்கு பொங்கி வரும்போது தேங்காய் பால் சேர்த்து கலந்து கொள்ளவும்.

*இரண்டு நிமிடங்கள் கழித்து ஏலக்காயை பொடித்து சேர்த்து கொள்ளலாம்.

*இப்போது வேறொரு அடுப்பில் ஒரு சிறிய வாணலியை வைத்து இரண்டு ஸ்பூன் நெய் ஊற்றி முந்திரி பருப்பு மற்றும் பாதாம் பருப்பு சேர்த்து வறுக்கவும்.

*வறுத்த முந்திரி மற்றும் பாதாமை பாயாசத்தில் சேர்த்து அடுப்பை அணைத்தால் ருசியான பாசிப்பருப்பு பாயாசம் தயார்.