இந்த மாதிரி செய்து கொடுத்தால் கருணைக் கிழங்கு வேண்டாம்னு சொல்லவே மாட்டாங்க!!!

பெரும்பாலானவர்கள் வீட்டில் கருணைக் கிழங்கு பெரிய அளவில் சமைக்கப்படுவதில்லை. கருணைக் கிழங்கு குழம்பு, சிப்ஸ், வறுவல் மற்றும் பொரியல் போன்றவை கருணைக் கிழங்கு வைத்து நாம் செய்யக்கூடிய சில உணவு வகைகள் ஆகும்.

தேவையான பொருட்கள்:
கருணைக் கிழங்கு- 1/4 கிலோ
மிளகுத் தூள்- ஒரு தேக்கரண்டி
மிளகாய் தூள்- ஒரு தேக்கரண்டி
மல்லி தூள்- ஒரு தேக்கரண்டி
கரம் மசாலா- ஒரு தேக்கரண்டி
புளி- தேவையான அளவு
இஞ்சி பூண்டு விழுது- ஒரு தேக்கரண்டி
மைதா மாவு- ஒரு தேக்கரண்டி
பிரட் தூள்- ஒரு தேக்கரண்டி
புதினா- ஒரு கைப்பிடி அளவு
உப்பு- தேவையான அளவு

செய்முறை:
*முதலில் கருணைக் கிழங்கினை தோல் நீக்கி, நன்கு கழுவி சுத்தம் செய்து எடுத்து கொள்ளவும்.

*பின்னர் புளி தண்ணீர் ஊற்றி வேக வையுங்கள்.

*இப்போது ஒரு கடாயில் சிறிதளவு எண்ணெய் ஊற்றி இஞ்சி பூண்டு விழுது, மிளகாய் தூள், மல்லித் தூள், கரம் மசாலா, நறுக்கிய புதினா இலைகள் மற்றும் உப்பு சேர்த்து கிளறவும்.

*பச்சை வாசைனை போன பின் அடுப்பை அணைத்து விடலாம்.

*இதனோடு கருணைக் கிழங்கினை பிசைந்து சேர்க்கவும்.

*இந்த கலவையை உருண்டைகளாக உருட்டி மைதா மற்றும் பிரட் தூளில் பிரட்டி எடுக்கவும்.

*ஒரு கடாயில் எண்ணெயை சூடாக்கி உருண்டைகளை போடவும்.

*இருபுறமும் பொன்னிறமாக வறுப்பட்டதும் எடுத்து விடலாம்.

*அவ்வளவு தான்… ருசியான மொறு மொறு கருணைக் கிழங்கு கபாப் தயார்.