செம டேஸ்டாக மொறுவலா கோவக்காய் வறுவல்!!!

இன்று நாம் பார்க்க இருக்கும் ரெசிபி கோவைக்காய் ‌வறுவல். கோவைக்காய் என்றாலே சிலருக்கு பிடிக்காது. கோவைக்காயை வறுவலாக செய்து சாப்பிடும்போது குழந்தைகளும் விரும்பி ‌சாப்பிடுவர். வாங்க ருசியான கோவைக்காய் வறுவல் எப்படி செய்வது என்று பார்ப்போம்.

தேவையான பொருட்கள்:
கோவைக்காய் – 1/4 கிலோ
கடுகு – 1/4 ஸ்பூன்
சீரகம் – 1/4 ஸ்பூன்
கறிவேப்பிலை – 1 கொத்து
மிளகாய்த்தூள் – 1 1/2 டேபிள்ஸ்பூன்
மல்லித்தூள் – 1 டேபிள்ஸ்பூன்
மஞ்சள்தூள் – 1/4 டீஸ்பூன்
சீரகத்தூள் – 1/4 ஸ்பூன்
கரம் மசாலாத்தூள் – 1
டேபிள்ஸ்பூன்
எண்ணெய் – தேவையான அளவு
உப்பு – தேவையான அளவு

செய்முறை:
* முதலில் கோவைக்காயை சுத்தம் செய்து நீளவாக்கில் நறுக்கி வைத்துக் கொள்ளவும்.

* ‌பிறகு அடுப்பில் வாணலியை வைத்து எண்ணெய் ஊற்றி காய்ந்ததும், கடுகு, சீரகம் ஒரு கொத்து கறிவேப்பிலை சேர்த்து தாளிக்கவும்.

* பின்பு நறுக்கி வைத்துள்ள கோவைக்காய் மற்றும் உப்பு, மஞ்சள்தூள் சேர்த்து கிளறி விடவும்.

* அடுப்பை குறைவான தீயில் வைத்து வேகவிடவும்.

* கோவைக்காய் அரை பதம் வெந்தவுடன், மிளகாய்த்தூள், மல்லித்தூள், சீரகத்தூள், கரம் மசாலாத்தூள் சேர்த்து நன்கு வதக்கவும்.

*கோவைக்காய் ‌வறுவல் பதத்திற்கு வந்தவுடன் கறிவேப்பிலை சேர்த்து இறக்கி விடவும்.

* இப்போது சுவையான கோவைக்காய் ‌வறுவல் தயார்.

Views: - 1738

0

0