புற்றுநோய் வருவதைத் தடுக்கும் திறன் கொண்ட சில உணவுகள்!!!

உலகளவில் இறப்புக்கான இரண்டாவது முக்கிய காரணியாக புற்றுநோய் உள்ளது. அதிக உடல் நிறை குறியீட்டெண் (BMI), பழங்கள் மற்றும் காய்கறிகளை குறைந்த அளவில் உட்கொள்வது, ஊட்டச்சத்து குறைபாடு ஆகிய ஐந்தும் புற்றுநோய்க்கான முக்கிய காரணங்கள் ஆகும். உணவு மூலமாக புற்றுநோயால் ஏற்படும் இறப்புகளை மூன்றில் ஒரு பங்கு தடுக்க முடியும் என்று உலக சுகாதார அமைப்பு கூறுகிறது.

குறிப்பாக இதற்கு பதப்படுத்தப்பட்ட இறைச்சிகள் மற்றும் சிவப்பு இறைச்சியின் அதிக உட்கொள்ளல், குறைந்த பழங்கள் மற்றும் காய்கறி உட்கொள்ளல், மற்றும் சர்க்கரை பானங்கள் அதிக உட்கொள்ளல் போன்றவற்றை தவிர்க்க வேண்டும். பல ஆய்வுகளின்படி, புற்றுநோயின் அபாயத்தைக் குறைக்கும் சில சிறந்த உணவுகளைப் பற்றி இங்கே பார்க்கலாம்:

ஆப்பிள்கள்:
ஆப்பிளில் பாலிஃபீனால்கள் உள்ளன. இது வீக்கம், இருதய நோய் மற்றும் தொற்றுகளைத் தடுக்க உதவுகிறது. பாலிபினால்கள் புற்றுநோய் எதிர்ப்பு மற்றும் கட்டிகளை எதிர்த்துப் போராடும் பண்புகளையும் கொண்டிருப்பதாக ஆராய்ச்சி கூறுகிறது. குறிப்பாக ஆப்பிள் மார்பக புற்றுநோய் செல் இடம்பெயர்வு மற்றும் பெருக்கத்தைத் தடுக்கிறது.

பெர்ரி:
பெர்ரிகளில் வைட்டமின்கள், தாதுக்கள் மற்றும் உணவு நார்ச்சத்துகள் நிறைந்துள்ளன. மேலும் இது ஆக்ஸிஜனேற்றத்தைக் கொண்டுள்ளது. பெர்ரியில் உள்ள அந்தோசயனின் என்ற கலவை பெருங்குடல் புற்றுநோய்க்கான பயோமார்க்ஸைக் குறைக்கிறது என்று ஒரு ஆய்வு தெரிவிக்கிறது. மற்றொரு ஆய்வு, பெர்ரியின் அழற்சி எதிர்ப்பு விளைவுகள் எலிகளில் மார்பக புற்றுநோய் கட்டிகளின் வளர்ச்சியைத் தடுக்கும் என்பதை நிரூபிக்கிறது.

கேரட்:
பல ஆய்வுகளின்படி, கேரட்டுகளுக்கு அவற்றின் தனித்துவமான ஆரஞ்சு நிறத்தைத் தரும் பீட்டா கரோட்டின், மார்பக, வயிறு மற்றும் புரோஸ்டேட் புற்றுநோய்களின் அபாயத்தைக் குறைக்கிறது.

மீன் எண்ணெய்:
கனடாவில் நடத்தப்பட்ட ஒரு ஆய்வில், ஒமேகா-3 கொழுப்பு அமிலங்கள், தாவர அடிப்படையிலான மூலங்களைக் காட்டிலும் மார்பக புற்றுநோய் கட்டிகளின் வளர்ச்சியை நிறுத்துவதற்கு எட்டு மடங்கு பயனுள்ளதாக இருக்கும் என்று கண்டறிந்துள்ளது.

மீன் எண்ணெயை உட்கொள்வது புரோஸ்டேட் புற்றுநோயின் அபாயத்தை கணிசமாகக் குறைக்கிறது என்று மற்றொரு ஆய்வில் கண்டறியப்பட்டுள்ளது. அதே நேரத்தில் வாரத்திற்கு நான்கு முறையாவது மீன் எண்ணெய் சப்ளிமெண்ட்ஸ் உட்கொள்பவர்கள் பெருங்குடல் புற்றுநோயை உருவாக்கும் வாய்ப்பு 63 சதவீதம் குறைவாக இருப்பதாக மற்றொரு ஆய்வு தெரிவிக்கிறது.

அக்ரூட் பருப்புகள்:
வால்நட்ஸில் பெடுங்குலாஜின் எனப்படும் ஒரு பொருள் உள்ளது. இது மார்பக புற்றுநோயைத் தடுப்பதில் பங்கு வகிக்கலாம் என ஒரு ஆய்வு தெரிவிக்கிறது.