அடுக்கு தும்மலை நொடிப்பொழுதில் மறையச் செய்யும் எளிமையான வீட்டு மருத்துவக் குறிப்புகள்!!!

ஜலதோஷமாக இருந்தாலும், திடீர் அலர்ஜியாக இருந்தாலும் அல்லது ஒருவித வாசனையின் எதிர்வினையாக இருந்தாலும், தும்மல் வருவதை யாராலும் தவிர்க்க முடியாது. இது எப்போது வேண்டுமானாலும் நிகழலாம் மற்றும் சில சமயங்களில் சங்கடமாகவும் மாறலாம்.

தும்மல் மற்றும் மூக்குத்திணறல் ஆகியவை எரிச்சலூட்டும் மற்றும் தொற்று கிருமிகளை வெளியேற்றுவதற்கான உடலின் இயற்கையான வழியாகும். தொற்றுநோய்களை எதிர்த்துப் போராட நீங்கள் எப்போதும் இயற்கை வைத்தியத்தை நம்பலாம். ஆகவே, அடுக்கு தும்மலில் இருந்து விடுபட உதவும் பின்வரும் எளிய வீட்டு வைத்தியங்களை முயற்சிக்கவும்:

துத்தநாகம்:
உங்களுக்கு ஜலதோஷம் இருந்தால் அல்லது அடுக்கு தும்மல் ஏற்பட்டால், துத்தநாகம் உங்களுக்கு உதவும். நீங்கள் விரைவாக குணமடைய விரும்பினால், சிறந்த நோய் எதிர்ப்பு சக்தியை அதிகரிக்கும் துத்தநாக சப்ளிமெண்ட்களை நீங்கள் முயற்சி செய்யலாம்.
மேலும் பருப்பு வகைகள், கொட்டைகள் மற்றும் விதைகளில் துத்தநாகம் காணப்படுகிறது.

கருப்பு ஏலக்காய்:
கறுப்பு ஏலக்காய் மற்றொரு சமையலறை மூலப்பொருள். இது உங்கள் தும்மல்களை உடனே குறைக்கும். இதில் உள்ள வலுவான நறுமணம், அத்தியாவசிய எண்ணெயுடன் சேர்ந்து சளி ஓட்டத்தை சரிசெய்து, எரிச்சலூட்டும் பொருட்களை வெளியேற்றும். இதனை வெறுமனே மென்று சாப்பிடுவது ஒவ்வாமையிலிருந்து விடுபட உதவும்.

நெல்லிக்காய்:
நெல்லிக்காய் நோய் எதிர்ப்பு சக்தியை அதிகரிப்பது மட்டுமின்றி, இதில் உள்ள வலுவான ஆன்டிஆக்ஸிடன்ட்கள் மூக்கின் பாதைகளை சுத்தம் செய்து, திடீர் தும்மலில் இருந்தும் விடுபட உதவுகிறது.

இஞ்சி மற்றும் துளசி:
இஞ்சியும் துளசியும் சேர்ந்து சளி, இருமல் மற்றும் திடீர் ஒவ்வாமை போன்றவற்றை விரைவாக எதிர்த்துப் போராடும் சக்தி வாய்ந்த கலவையாக அமைகிறது.

பூண்டு:
பூண்டு ஒவ்வாமைகளை எதிர்த்துப் போராட உதவுகிறது. இதில் ‘அலிசின்’ என்ற சிறப்பு செயலில் உள்ள மூலப்பொருள் உள்ளது. இது மூக்கடைப்பு நீக்கியாக செயல்படுகிறது. அதே நேரத்தில் உங்கள் நோய் எதிர்ப்பு சக்தியை அதிகரிக்கிறது.