கூந்தல் வால் மாதிரி ஒல்லியா மாறிடுச்சா… உங்களுக்கான சிறந்த வீட்டு வைத்தியங்கள்!!!

தலைமுடி மெலிந்து போதல் என்பது தற்போது உலக அளவில் பல நபர்கள் சந்தித்து வரும் ஒரு பொதுவான பிரச்சனையாக உள்ளது. தலைமுடி மெலிந்து போவதால் பாதிக்கப்பட்டுள்ள நபர்கள் அவர்களுடைய தலைமுடியின் ஆரோக்கியத்தில் குறிப்பிடத்தக்க தாக்கத்தை அனுபவித்து வருகிறார்கள். மரபணு, ஹார்மோன் சமநிலை இல்லாமல் இருத்தல், மன அழுத்தம் மற்றும் ஒரு சில மருந்துகள் போன்றவை தலைமுடி மெலிந்து போவதற்கு காரணமாக அமையலாம். கூடுதலாக அளவுக்கு அதிகமாக ஹீட் ஸ்டைலிங் சாதனங்களை பயன்படுத்துவது, கெமிக்கல் சிகிச்சைகள் வழங்குவது மற்றும் மோசமான தலைமுடி பராமரிப்பு பழக்கங்கள் ஆகியவையும் தலைமுடி மெலிந்து போக காரணமாகலாம். 

தலைமுடி மெலிந்து போவது ஒரு நபருக்கு தன்னம்பிக்கையை இழக்க செய்து, சுயமரியாதையை குறைக்கிறது. எனவே இந்த பதிவில் தலைமுடி மெலிந்து போவதை தவிர்க்க உதவும் இயற்கையான சில தீர்வுகள் பற்றி தெரிந்து கொள்ளலாம். 

உணவு மாற்றங்கள் 

உணவில் மாற்றங்களை ஏற்படுத்துவது என்பது தலைமுடி மெலிந்து போவதை தவிர்ப்பதற்கு உதவும் ஒரு குறிப்பிடத்தக்க வழி. ஒமேகா-3 கொழுப்பு அமிலங்கள், ஜிங்க் மற்றும் பயோடின் ஆகியவை நிறைந்த வஞ்சிரம் மீன், வால்நட் மற்றும் முட்டைகள் போன்றவை தலைமுடி வளர்ச்சியை ஊக்குவிக்கும். அதே நேரத்தில் வைட்டமின் D மற்றும் இரும்புச்சத்து அதிகம் உள்ள உணவுகள் தலைமுடியின் ஆரோக்கியத்தை பாதுகாக்கும். 

இதையும் படிக்கலாமே: சளி, இருமல் இருக்கும் போது எந்த மாதிரி உணவுகளை சாப்பிட வேண்டும்???

ஹேர் கலர் மற்றும் ப்ளீச்சிங் 

அடிக்கடி ஹேர் கலரிங் மற்றும் ப்ளீச்சிங் செய்யும் பழக்கம் உங்களுக்கு இருந்தால் அதன் காரணமாக தலைமுடி மெலிந்து போகலாம். அளவுக்கு அதிகமாக  கெமிக்கல்களை தலைமுடிக்கு பயன்படுத்துவதால்  மயிர்க்கால்கள் சேதமடைந்து, அதனால் தலைமுடி மெலிந்து போகும். ஆகவே அடிக்கடி ஹேர் கலரிங் மற்றும் ப்ளீச்சிங் செய்வதை தவிர்த்து விட்டு அதற்கு பதிலாக இயற்கை பொருட்களை பயன்படுத்துவதற்கு முயற்சி செய்யுங்கள். இது தலைமுடியை சேதத்தை குறைத்து தலை முடியை ஆரோக்கியமானதாக மாற்றும்.

புளித்த தயிர் 

புளித்த தயிரை தலை முடிக்கு தடவுவது தலைமுடி மெலிந்து போவதை தடுக்கும். புரோட்டீன் மற்றும் வைட்டமின்கள் நிறைந்த தயிரில் மயிர்க்கால்களுக்கு தேவையான போஷாக்குகள். எனவே இது மயிர் கால்களை வலிப்படுத்துகிறது. தயிரில் ஊறவைத்த வெந்தய விதை சாந்தை கலந்து பயன்படுத்துவது இன்னும் பலன்களை அதிகரிக்கும். இது தலைமுடி வளர்ச்சியை அதிகரித்து, முடி மெலிந்து போவதை குறைக்கும். இந்த இயற்கை தீர்வுகள் மயிர் கால்களின் ஆரோக்கியத்தையும் பராமரிக்கும்.

எண்ணெய் பயன்படுத்தி மசாஜ் 

உங்களுடைய மயிர்கால்களை எண்ணெய் பயன்படுத்தி மசாஜ் செய்வது ரத்த ஓட்டத்தை அதிகரித்து, முடி வளர்ச்சியை ஊக்குவிக்கும். வழக்கமான முறையில் மயிர்க்காய்களுக்கு மசாஜ் செய்யும் பொழுது அது முடி மெலிந்து போவதற்கு முக்கிய காரணமாக அமையும் மன அழுத்தத்தை குறைக்கிறது. இதற்கு நீங்கள் உங்களுடைய விரல் நுனிகளை பயன்படுத்தி தினமும் 5 முதல் 10 நிமிடங்கள் தலைமுடி மற்றும் மயிர் கால்களை மசாஜ் செய்யலாம்.

கவனத்திற்கு: எங்கள் இணையபக்கத்தில் பதிவிடப்படும் மருத்துவ குறிப்புகள், அழகு குறிப்புகள் மற்றும் உடல்நலம் சார்ந்த விஷயங்களை மருத்துவரின் ஆலோசனைக்கு பிறகே செய்து பார்க்க வேண்டும் என அறிவுறுத்துகிறோம்.