நாம் தினமும் சரியான அளவு தண்ணீர் தான் குடிக்கின்றோம் என்பதை எப்படி கண்டுபிடிப்பது???

போதுமான அளவு தண்ணீர் குடிப்பதன் முக்கியத்துவத்தை நாம் அனைவரும் அறிவோம். இருப்பினும், நம்மில் பலர் நம் உடலுக்கான தண்ணீர் தேவையை பூர்த்தி செய்ய தவறிவிடுகிறோம். எவ்வளவு தண்ணீர் நம் உடலுக்கு போதுமானது மற்றும் தேவையை எவ்வாறு பூர்த்தி செய்வது என்பதை அறிந்து கொள்வோம்.

மனித உடலில் 70% தண்ணீர் உள்ளது. அதாவது உங்கள் உடலுக்கு உயிர்வாழ தண்ணீர் தேவை. மூளையில் சுமார் 75% தண்ணீர் உள்ளது. அதாவது, 2% நீரிழப்பு கூட, மூளை செயல்பாடுகளில் எதிர்மறையான விளைவை ஏற்படுத்தும். நம் உடலில் உள்ள ஒவ்வொரு செல், உறுப்பு, உடல் உறுப்புகள் சரியாக வேலை செய்ய தண்ணீர் தேவை. உங்கள் உடலில் தினசரி நீரின் தேவையைப் புரிந்துகொண்டு அதற்கேற்ப உட்கொள்ள வேண்டும். இது தவிர, நாம் உண்ணும் உணவு, உடலில் நீர் இருப்பதால், அந்த உணவை உடலால் ஜீரணிக்க முடிகிறது என்ற உண்மையை நீங்கள் அறிந்து கொள்ள வேண்டும். தண்ணீரானது உணவு செரிமானத்திற்கு உதவுகிறது மற்றும் ஆரோக்கியத்தை சிறப்பாக வைத்திருக்க உதவுகிறது.

நீங்கள் போதுமான அளவு தண்ணீர் குடிக்கவில்லை என்றால், நீங்கள் அதிகமாக சாப்பிடுவதை உணருவீர்கள் அல்லது அதிக பசியை உணர்வீர்கள். பெரும்பாலான மக்களால் தாகத்திற்கும் பசிக்கும் உள்ள வித்தியாசத்தை வேறுபடுத்திப் பார்க்க முடியாது. தாகமாக இருக்கும் போதே எதையாவது சாப்பிடுவார்கள். எடை அதிகரிப்பதற்கு இதுவும் ஒரு முக்கிய காரணம். ஒவ்வொரு மணி நேரமும் சாப்பிடுவதற்குப் பதிலாக தண்ணீர் அல்லது வேறு எந்த பானத்தையாவது குடிக்க முயற்சிக்கவும். நிறைவாக உணர்வீர்கள்.

போதுமான தண்ணீர் குடிக்க உதவும் சில வாழ்க்கை முறை பழக்கவழக்கங்கள்:
நீங்கள் சாப்பிடுவதற்கு 20-30 நிமிடங்களுக்கு முன் தண்ணீர் குடிக்கவும்.
நீங்கள் ஏதாவது சாப்பிட்ட பிறகு தண்ணீர் குடிக்க வேண்டாம்.
எண்கள் குறிக்கப்பட்ட ஒரு பாட்டிலை வைத்திருங்கள்.
உங்களுக்கு நினைவூட்ட ஏதே ஒரு மொபைல் ஆப்-யை பயன்படுத்தவும்.
ஒரு நாளைக்கு அதிக நீர்ச்சத்து உள்ள ஒரு உணவையாவது சாப்பிடுவதை உறுதிப்படுத்திக் கொள்ளுங்கள். காலையை ஒரு கிளாஸ் தண்ணீருடன் உங்கள் நாளைத் தொடங்குங்கள்.
கழிப்பறையை பயன்படுத்திய பிறகு தண்ணீர் குடிப்பதை வழக்கமாக்கிக் கொள்ளுங்கள்.

குடிநீரின் ஆரோக்கிய நன்மைகள்:
நீங்கள் தண்ணீர் குடிக்கும் போது, ஒவ்வொரு முறையும் சிறுநீரின் மூலம் கெட்ட நச்சுகள் வெளியேறும்.
மலச்சிக்கலுக்கு தண்ணீர் பற்றாக்குறையே முக்கிய காரணம். ஒரு நாளைக்கு போதுமான அளவு தண்ணீர் குடல் இயக்கத்தை நன்றாக வைத்திருக்கும். இதனால்
ஒவ்வொரு தசை மற்றும் தசைநாண்கள் சரியாக நீரேற்றம் பெற்று நன்றாக வேலை செய்கிறது.
போதுமான அளவு தண்ணீர் உடல் வெப்பநிலையை சாதாரணமாக வைத்திருக்கும்.

உங்கள் உடலின் தினசரி நீர் தேவை:
ஒவ்வொரு நாளும் உங்கள் சுவாசம், வியர்வை, சிறுநீர் மற்றும் குடல் இயக்கங்கள் மூலம் தண்ணீரை இழக்கிறோம். உங்கள் உடலுக்கு எவ்வளவு தண்ணீர் தேவைப்படுகிறது என்பதில் உங்கள் செயல்பாட்டு நிலை மிகவும் முக்கியமானது. ஒரு நாளில் அதிக உடல் உழைப்பை செய்பவர்களுக்கு அதிக தண்ணீர் தேவைப்படுகிறது. உடல் வலிமையைப் பயிற்சி செய்பவர்கள் தங்கள் தசைகளை நீரேற்றமாக வைத்திருக்க ஒப்பீட்டளவில் அதிக நீர் தேவைப்படுகிறது. உடல் செயல்பாடு தவிர, காலநிலையும் முக்கியமானது. கோடையில், நமக்கு அதிக வியர்வை மற்றும் அதிக தண்ணீர் தேவைப்படுகிறது. எனவே இது நபருக்கு நபர் மாறுபடலாம். அந்த முக்கியமான விஷயத்தை மட்டும் மனதில் வைத்துக் கொண்டு குடித்துக்கொண்டே இருங்கள். ஏனென்றால் கூடுதல் தண்ணீர் குடிப்பதால் எந்தத் தீங்கும் இல்லை. இதை நீங்கள் எவ்வளவு அதிகமாக குடிக்கிறீர்களோ, அவ்வளவு நன்மை பயக்கும்.