உங்கள் இரத்தத்தை சுத்தமாக வைக்க இதையெல்லாம் டிரை பண்ணுங்க!!!

ஆக்ஸிஜன், ஊட்டச்சத்துக்கள் மற்றும் ஹார்மோன்களை திசுக்களுக்கு கொண்டு செல்வதில் இருந்து, உடலின் சரியான செயல்பாட்டை உறுதிப்படுத்துவது வரை இரத்தம் மிகவும் முக்கிய பங்கு வகிக்கிறது. இதனால் நம் உடலில் உள்ள இரத்தத்தை தூய்மையாகவும் நச்சுத்தன்மையற்றதாகவும் வைத்திருப்பது மிகவும் அவசியம்.

சிறுநீரகம் மற்றும் கல்லீரல் இரத்தத்தை சுத்திகரிக்க முக்கிய காரணமாகும். நச்சுத்தன்மை செயல்முறைக்கு பங்களிக்கும் சில வீட்டு வைத்தியங்கள் உள்ளன. இது இரத்தத்தில் உள்ள கழிவுப்பொருட்களை அகற்ற உதவும்.

உங்கள் இரத்தத்தை சுத்தம் செய்வதற்கான சில வழிகள்:

எலுமிச்சை சாறு:
எலுமிச்சை சாறு உங்கள் இரத்தம் மற்றும் செரிமான பாதையை சுத்தம் செய்ய உதவுகிறது. எலுமிச்சை சாறு இயற்கையில் அமிலத்தன்மை கொண்டது. உங்கள் pH அளவை மாற்றி, இரத்தத்தில் இருந்து நச்சுகளை அகற்ற பயனுள்ளதாக இருக்கும். பல வைரஸ்கள் மற்றும் பிற நோய்க்கிருமிகள் கார சூழலில் உயிர்வாழ முடியாது. தினமும் காலையில் வெறும் வயிற்றில் புதிய எலுமிச்சை சாற்றை பருகினால் உடலில் உள்ள தேவையற்ற பொருட்களை வெளியேற்றலாம். ஒரு கிளாஸ் வெதுவெதுப்பான நீரில் 1/2 எலுமிச்சை சாற்றை பிழிந்து, காலை உணவுக்கு முன் குடிக்கவும்.

துளசி:
பெரும்பாலான உணவுகளில் பயன்படுத்தப்படும் துளசி, பாக்டீரியா எதிர்ப்பு மற்றும் அழற்சி எதிர்ப்பு பண்புகளைக் கொண்டுள்ளது. துளசி உங்கள் இரத்தத்தை சுத்தப்படுத்தவும், இரத்தம், கல்லீரல் மற்றும் சிறுநீரகங்களில் இருந்து நச்சுகளை அகற்றவும் ஒரு சிறந்த மூலிகையாகும். இந்த மூலிகையானது உடலில் இருந்து நச்சுகளை சிறுநீர் வழியாக வெளியேற்றுகிறது. ஐந்து முதல் ஆறு துளசி இலைகளை நசுக்கி, உங்கள் உணவில் சேர்த்துக் கொள்ளுங்கள். ஒரு கப் வெந்நீரில் ஆறு முதல் எட்டு துளசி இலைகளை சேர்த்து நீங்கள் மூலிகை தேநீராக தயாரித்தும் பருகலாம்.

மஞ்சள்:
மஞ்சள் நமது இரத்தத்தை சுத்தப்படுத்துகிறது மற்றும் குணப்படுத்தும் செயல்முறையை துரிதப்படுத்துகிறது. குர்குமின் எனப்படும் மஞ்சளில் காணப்படும் ஒரு சேர்மம் வீக்கம் மற்றும் உடலில் உள்ள பெரும்பாலான பிரச்சனைகளை எதிர்த்துப் போராட உதவுகிறது. மஞ்சள் இரத்த சிவப்பணுக்களை உருவாக்க உதவுகிறது. ஒரு கப் வெதுவெதுப்பான பாலில் 1/2 டீஸ்பூன் மஞ்சள் தூள் கலந்து குடிக்கவும். இந்த பானம் கல்லீரலின் உகந்த செயல்பாட்டிற்கு உதவுகிறது.

தண்ணீர்:
நீர் ஒரு இயற்கை நச்சு நீக்கும் காரணி ஆகும். எவ்வளவு தண்ணீர் அருந்துகிறீர்களோ, அந்த அளவுக்கு உங்கள் ரத்தம் தூய்மையாக இருக்கும். தண்ணீர் உடலில் உள்ள நச்சுக்களை வெளியேற்றி, உறுப்புகள் சீராக செயல்பட உதவுகிறது. இது தாதுக்கள் மற்றும் வைட்டமின்களின் ஓட்டத்திற்கு உதவுகிறது மற்றும் சிறுநீர் கழிப்பதன் மூலம் நச்சுகளை நீக்குகிறது.