இயற்கை மவுத் ஃப்ரெஷ்னர்களாக பயன்படுத்தப்படும் சமையலறை பொருட்கள்!!!

நாம் உணவு சாப்பிட்ட பிறகு பொதுவாக வாய் துர்நாற்றத்தை தடுக்க மவுத் ஃப்ரெஷ்னர்களை சாப்பிடுவதுண்டு. இதனை கடைகளில் தான் வாங்கி சாப்பிட வேண்டும் என்ற அவசியம் இல்லை. உங்கள் சமையலறையிலேயே மவுத் ஃப்ரெஷ்னர்களாகச் செயல்படும் சில இயற்கையான மற்றும் பொதுவான பொருட்கள் உள்ளன. அவற்றை மென்று சாப்பிடுவதால். பல்வேறு நன்மைகள் உள்ளன. குறிப்பாக வாய் ஆரோக்கியத்தை மேம்படுத்துவதற்கு உதவுகிறது.

உங்கள் சமையலறையில் நீங்கள் காணக்கூடிய சிறந்த இயற்கை மவுத் ஃப்ரெஷ்னர்களைப் பற்றி பார்க்கலாம்:-

புதினா இலைகள்:
அதன் தனித்துவமான சுவைக்காக இது பாராட்டப்படுகிறது. இது புத்துணர்ச்சி தருவதோடு ஆரோக்கியமானது. புதினா இலைகள் பற்பசை, மவுத்வாஷ், சூயிங் கம் மற்றும் பிற வாய் பராமரிப்பு பொருட்களில் அடிக்கடி பயன்படுத்தப்படும் பொருட்களில் ஒன்றாகும்.

வைட்டமின் சி, வைட்டமின் ஏ, மாங்கனீஸ், இரும்பு, பொட்டாசியம் போன்ற சத்துக்கள் புதினா இலைகளில் ஏராளமாக உள்ளன. புதினா இலைகளை மென்று சாப்பிட்டு வந்தால் துர்நாற்றம் குறையும் மற்றும் அதை உண்டாக்கும் பாக்டீரியாக்களை எதிர்த்துப் போராடுகிறது.

துளசி இலைகள்:
மிகவும் பரவலாக அணுகக்கூடிய மவுத்வாஷ்களில் ஒன்று துளசி. இந்த இலைகளை மென்று சாப்பிடுவதன் மூலம் பற்சொத்தை மற்றும் நோய்த்தொற்றுகளுக்கு சிகிச்சையளிக்க உதவும்.

கொய்யா இலைகள்:
வாய் துர்நாற்றத்தை எதிர்த்துப் போராடுவதற்கான வழியைத் தேடும் நபர்களுக்கு, கொய்யா இலைகளை மென்று சாப்பிடுவது சிறந்த மவுத் ஃப்ரெஷ்னராக இருக்கும். கொய்யா இலைச் சாறு நுண்ணுயிர் எதிர்ப்பு விளைவுகளைக் கொண்டிருப்பதாக பல ஆய்வுகள் தெரிவிக்கின்றன. இதன் விளைவாக, அவற்றை மெல்லுவது வீங்கிய ஈறுகளின் வீக்கத்தைக் குறைக்கிறது, பிளேக்கை குறைக்கிறது. மேலும் ஈறுகளில் இருந்து இரத்தப்போக்கை சரி செய்ய உதவுகிறது.

பெருஞ்சீரகம் விதைகள்:
நம் வீடுகளில் பெருஞ்சீரகம் விதைகள் மிகவும் பிரபலமான மற்றும் விருப்பமான இயற்கை மவுத் ஃப்ரெஷ்னர்களில் ஒன்றாகும். உணவுக்குப் பிறகு, சில சர்க்கரை பூசப்பட்ட பெருஞ்சீரகம் விதைகளை மென்று சாப்பிடுவது விரைவான புத்துணர்ச்சியை அளிக்கிறது மற்றும் துர்நாற்றத்தை நிர்வகிக்க உதவுகிறது. கூடுதலாக, இந்த சிறிய விதைகள் பல சிகிச்சை குணங்களைக் கொண்டுள்ளன. செரிமான அமைப்பு, நாளமில்லா அமைப்பு, இனப்பெருக்க அமைப்பு, சுவாச அமைப்பு மற்றும் பலவற்றை பாதிக்கும் பல்வேறு நோய்களில் இருந்தும் பாதுகாக்கிறது.

பெருஞ்சீரகம் விதைகளில் வைட்டமின் சி, வைட்டமின் கே, வைட்டமின் ஈ, மாங்கனீஸ், தாமிரம், துத்தநாகம் மற்றும் பாஸ்பரஸ் நிறைந்துள்ளன. இது ஆன்டிஆக்ஸிடன்ட்கள் மற்றும் பைட்டோநியூட்ரியன்களின் அதிக சத்தான மூலமாகும். இது பல ஆரோக்கிய நன்மைகளையும் கொண்டுள்ளது.