மென்ஸ்ட்ருவல் கப் பிறப்புறுப்பில் தொலைந்து போக வாய்ப்பு உள்ளதா…உங்க சந்தேகத்திற்கான பதில் இங்க இருக்கு!!!

உலகம் முழுவதும், மாதவிடாய் காலத்தில் பலர் மாதவிடாய் கோப்பைகளைப் (Menstrual cups) பயன்படுத்துகின்றனர். சானிட்டரி பேடுகள் மற்றும் டம்பான்களுக்கு மாற்றாக, கோப்பைகள் மீண்டும் பயன்படுத்தக்கூடியவை மற்றும் சுற்றுச்சூழலுக்கு உகந்தவையாக அமைகிறது.

ஆனால், இன்னும் அவற்றைப் பயன்படுத்தத் தொடங்காதவர்களுக்கு, மாதவிடாய் கோப்பைகள் புதிராகவும் குழப்பமாகவும் இருக்கலாம். அதை செருகும்போது என்ன நடக்கும்? ஒருவர் அதை எப்படி அழுத்தி வெளியே இழுக்க வேண்டும்? மிக முக்கியமாக, அது யோனிக்குள் சிக்கிக்கொள்ள அல்லது கருப்பையில் தொலைந்து போக வாய்ப்பு உள்ளதா? என்ற பல கேள்விகள் இருக்கலாம்.

அடிக்கடி எழுப்பப்படும் இந்தக் கேள்விகளுக்குப் பதிலளிக்கவும், சில கட்டுக்கதைகளை முறியடிக்கவும் இந்த பதிவில் முயற்சி செய்வோம். உங்கள் பிறப்புறுப்பு ஒரு கால்வாய் மட்டுமே, கருந்துளை அல்ல என்பதை புரிந்து கொள்ளுங்கள்.

கருப்பை வாயின் பங்கை நீங்கள் புரிந்து கொள்ள வேண்டும். இது கருப்பையின் நுழைவாயில் போன்றது. அதாவது, “விந்தணுக்கள்” தவிர, வெளிநாட்டு எதுவும் கருப்பைக்குள் நுழையாமல் அங்கேயே தங்கியிருப்பதை இது உறுதி செய்கிறது.

யோனி என்பது “முடிவற்ற சுரங்கப்பாதை அல்ல”, அதில் கதவு போன்ற அமைப்பு உள்ளது. கோப்பை அங்கு தொலைந்து போக வாய்ப்பில்லை என்பதை நீங்கள் புரிந்து கொள்ள வேண்டும்.