நீங்கள் வீண் என நினைத்து தூக்கி எறிந்த எலுமிச்சை தோலின் அசற வைக்கும் மருத்துவ குணங்கள்!!!

எலுமிச்சை ஒரு சிட்ரஸ் பழமாகும். நாம் பொதுவாக எலுமிச்சம்பழத்தின் கூழ் மற்றும் சாற்றை மட்டும் பயன்படுத்திவிட்டு, அதன் தோலை தூக்கி எறிந்து விடுகிறோம். இருப்பினும், எலுமிச்சை பழத்தின் தோலில் ஏராளமான நன்மைகள் உள்ளன. அது என்ன என்பதை இந்த பதிவில் பார்ப்போம்.

இதய ஆரோக்கியத்தை மேம்படுத்துகிறது:
எலுமிச்சை தோலில் ஃபிளாவனாய்டுகள், வைட்டமின் சி மற்றும் பெக்டின் ஆகியவை உள்ளன. இது இதய நோய் அபாயத்தைக் குறைக்கும் தன்மை கொண்டது.

எடை இழப்புக்கு உதவுகிறது:
எலுமிச்சை தோல்களில் பெக்டின் உள்ளது. இது எடை இழப்பை ஊக்குவிக்கிறது மற்றும் உடலில் கொழுப்பு சேர்வதை மெதுவாக்கும்.

எலும்பு ஆரோக்கியத்தை மேம்படுத்துகிறது:
எலுமிச்சை தோலில் கணிசமான அளவு கால்சியம், மெக்னீசியம், பாஸ்பரஸ் மற்றும் வைட்டமின் சி உள்ளது. இந்த அனைத்து ஊட்டச்சத்துக்களும் ஆஸ்டியோபோரோசிஸ், முடக்கு வாதம் மற்றும் பிற தொடர்புடைய எலும்பு பிரச்சினைகளைத் தடுக்க உதவுகின்றன.

புற்றுநோயை எதிர்த்துப் போராடுகிறது:
எலுமிச்சை தோலில் ஃபிளாவனாய்டுகள் மற்றும் வைட்டமின் சி இருப்பதால் புற்றுநோயை எதிர்த்துப் போராடும் பண்புகளை வெளிப்படுத்துகிறது. இது பல வகையான புற்றுநோய்களின் அபாயத்தைக் குறைக்கிறது மற்றும் வைட்டமின் சி வெள்ளை இரத்த அணுக்களின் உற்பத்தியை அதிகரிக்க உதவுகிறது.

நோய் எதிர்ப்பு சக்தியை அதிகரிக்கிறது: எலுமிச்சை தோலில் உள்ள ஃபிளாவனாய்டு மற்றும் வைட்டமின் சி காரணமாக உங்கள் நோய் எதிர்ப்பு சக்தியை வலுப்படுத்தும் திறன் கொண்டது. நீங்கள் உடல்நிலை சரியில்லாமல் இருந்தால், உங்கள் உடலுக்கு கூடுதல் ஆற்றலை வழங்க உங்கள் உணவுகள் அல்லது தேநீரில் எலுமிச்சை தோலைச் சேர்க்கவும்.

பித்தப்பைக் கற்களுக்கு சிகிச்சையளிக்கிறது:
எலுமிச்சை தோலில் டி-லிமோனைன் உள்ளது. இது பித்தப்பைக் கற்களுக்கு சிகிச்சையளிக்க உதவுகிறது.
பித்தப்பை கற்களை அகற்றும் அறுவை சிகிச்சைக்கு இது ஒரு சிறந்த மாற்றாக இருக்கும் என ஆய்வுகள் தெரிவிக்கின்றன.

வாய் ஆரோக்கியத்தை ஆதரிக்கிறது:
எலுமிச்சை தோலில் நுண்ணுயிரிகளின் வளர்ச்சியைத் தடுக்கும் திறன் கொண்ட பாக்டீரியா எதிர்ப்பு பண்புகள் உள்ளன. பாக்டீரியாக்களால் ஏற்படும் வாய்வழி நோய்களை திறம்பட எதிர்த்துப் போராடும் சில கலவைகள் எலுமிச்சைத் தோலில் இருப்பதாக ஆய்வுகள் தெரிவிக்கின்றன.

செரிமான அமைப்புக்கு நல்லது:
எலுமிச்சை தோலில் உள்ள நார்ச்சத்து உங்கள் செரிமான மண்டலத்தை சரியாக இயங்க வைக்கும். ஏனெனில் இது சரியான செரிமானத்திற்கு உதவுகிறது, வயிற்று வீக்கத்தை குறைக்கிறது மற்றும் மலச்சிக்கலை தடுக்கிறது.

இரத்த அழுத்தத்தைக் குறைக்கிறது:
எலுமிச்சம்பழத்தோலில் உள்ள அத்தியாவசிய சேர்மங்கள் உயர் இரத்த அழுத்தத்தைக் குறைக்கும் என ஒரு ஆய்வு கூறுகிறது.