ஆரோக்கியம்

நெஞ்சு வலி என்றாலே அது ஹார்ட் அட்டாக்கா… இதய நோய் பற்றி நீங்கள் அறிய வேண்டிய கட்டுக்கதைகள்!!!

அதிக கொலஸ்ட்ரால், அதிக ரத்த அழுத்தம், ஹார்ட் அட்டாக் போன்ற பிரச்சனைகள் இன்று அதிக அளவில் காணப்படுகிறது. முன்னதாக இது மாதிரியான பிரச்சனைகள் வயதானவர்களுக்கு மட்டுமே ஏற்பட்டு வந்தது. ஆனால் தற்போது இது இளைஞர்களையும் பாதிக்க ஆரம்பித்து விட்டது. இது மக்களுக்கு பெரும் அச்சுறுத்தலாக இருந்து வருகிறது. சொல்லப்போனால் குழந்தைகளுக்கு கூட தற்போது ஹார்ட் அட்டாக் ஏற்படுகிறது. இதய நோய் என்பது உலக அளவில் மில்லியன் கணக்கான நபர்களை ஒவ்வொரு ஆண்டும் கொன்று வரும் ஒரு கொடூரமான நோயாக அமைகிறது. இந்த நோய் பற்றிய பரவலான தகவல்களை நம்மில் பெரும்பாலானோர் அறிவோம். ஆனால் இது குறித்த ஒரு சில கட்டுக்கதைகளும் நிலவி வருகிறது. அவற்றை தெரிந்து கொண்டால் மட்டுமே இதய ஆரோக்கியத்தை ஒருவரால் மேம்படுத்த முடியும். அந்த வகையில் இதய ஆரோக்கியம் சம்பந்தப்பட்ட ஒரு சில கட்டுக்கதைகள் என்னென்ன என்பதை நாம் தெரிந்து கொள்ளலாம். 

முதல் கட்டுக்கதை:

இதய நோய் வயதானவர்களை மட்டுமே பாதிக்கும். 

உண்மை என்னவென்றால் இதய நோய் என்பது அனைத்து வயதினரையும் பாதிக்கலாம். குடும்ப வரலாறு, உடற்பருமன், புகைபிடித்தல் மற்றும் போதுமான உடல் செயல்பாடு இல்லாமல் இருப்பது போன்ற காரணங்களால் ஏற்படும் என்பதால் இதய நோய் அனைத்து வகை வயதினரையும் தாக்கலாம். 

இரண்டாவது கட்டுக்கதை: இதய நோய் ஆண்களுக்கான ஒரு நோய் 

சொல்லப்போனால் இதய நோய் என்பது பெண்களில் ஏற்படும் உயிரிழப்புகளில் முன்னணி காரணமாக அமைகிறது. மூன்றில் ஒரு பெண் இதய நோயால் இறந்து போகிறாள். ஆண்களை விட பெண்களுக்கான இதய நோய் அறிகுறிகள் முற்றிலும் வேறுபட்டவை. இதன் காரணமாக இது பெண்களில் தாமதமாக கண்டறியப்படுகிறது. 

மூன்றாவது கட்டுக்கதை: நெஞ்சு வலி என்றாலே அது ஹார்ட் அட்டாக்காக தான் இருக்கும்.

ஹார்ட் அட்டாக் பிரச்சினையால் பாதிக்கப்படுபவர்களில் 50 சதவீத நபர்கள் நெஞ்சுவலியை அனுபவிக்கின்றனர். எனினும் மீதமுள்ளவர்கள் மூச்சுத்திணறல், சோர்வு அல்லது தோள்பட்டை, முதுகு அல்லது தாடை பகுதியில் வலியை அனுபவிக்கின்றனர். 

மேலும் படிக்க: உங்க சருமத்த வெண்மையாக்க ஒரு கிண்ணம் தயிர் இருந்தா போதும்!!!

நான்காவது கட்டுக்கதை: இதய நோய் முழுக்க முழுக்க மரபணு காரணமாக ஏற்படுகிறது. 

புகைப்பிடித்தல், உடல் செயல்பாடு இல்லாமல் இருப்பது மற்றும் மோசமான உணவு போன்றவை இதய நோய் ஏற்படுவதற்கான காரணங்களில் அடங்கும். எனவே மரபணு காரணமாக மட்டுமே இதய நோய் ஏற்படாது. 

ஐந்தாவது கட்டுக்கதை: இதய நோயை தடுக்க முடியாது. 

இதய நோய்கள் ஏற்படுவதை நம்மால் 80% தடுக்க முடியும். அதற்கு பின்வரும் விஷயங்களை நீங்கள் செய்ய வேண்டும்:- 

வழக்கமான உடற்பயிற்சி (ஒரு வாரத்திற்கு குறைந்தபட்சம் 150 நிமிடங்கள்) 

சரிவிகித உணவு (பழங்கள், காய்கறிகள், முழு தானியங்கள் நிறைந்த உணவு) 

மன அழுத்தத்தை கட்டுப்படுத்துதல் (தியானம், யோகா, ஆழ்ந்த மூச்சு பயிற்சி) 

புகை பிடிப்பதை கைவிடுவது 

அவ்வப்போது ரத்த அழுத்தம் மற்றும் கொலஸ்ட்ராலை கண்காணிப்பது 

ஆறாவது கட்டுக்கதை:

ரத்த அழுத்தம் நார்மலாக இருந்தால் இதய நோய் ஏற்படாது. 

டயாபட்டீஸ், உடற்பருமன் மற்றும் குடும்ப வரலாறு போன்றவை காரணமாகவும் இதய நோய் ஏற்படலாம். 

ஏழாவது கட்டுக்கதை: இதய நோய்க்கு எப்பொழுதுமே அறுவை சிகிச்சை அவசியம். 

வாழ்க்கை முறை மாற்றங்கள், மருந்து மற்றும் ஆஞ்சியோபிளாஸ்டி போன்ற செயல்முறைகள் மூலமாகவும் பலவிதமான இதய நோய்களை கட்டுப்படுத்தலாம். 

இதய நோய் என்பது தவிர்க்க கூடியது மற்றும் அதற்கு சரியான சிகிச்சை அளித்தால் நிச்சயமாக நோயிலிருந்து மீண்டு வரலாம். இதய நோய் ஏற்படுவதற்கான காரணங்கள் என்ன என்பதை தெரிந்து கொள்வது, ஆரோக்கியமான பழக்கங்களை பின்பற்றுவது மற்றும் அவ்வப்போது உடல் பரிசோதனைகளை செய்து கொள்வதன் மூலமாக இதய நோய் ஏற்படுவதை தவிர்த்து நம்முடைய உயிரை காப்பாற்றிக் கொள்ளலாம்.

கவனத்திற்கு: எங்கள் இணையபக்கத்தில் பதிவிடப்படும் மருத்துவ குறிப்புகள், அழகு குறிப்புகள் மற்றும் உடல்நலம் சார்ந்த விஷயங்களை மருத்துவரின் ஆலோசனைக்கு பிறகே செய்து பார்க்க வேண்டும் என அறிவுறுத்துகிறோம்.

Hema

Hi, I am hema, I am working as a Sub Editor at Updatenews360.

Recent Posts

அப்போ எல்லாமே செட்டப்பா? உஷாராக பிளான் போட்ட கமல்ஹாசன்? இதான் விஷயமா?

பட்டத்தை திறந்த கமல் பல ஆண்டுகளாகவே கமல்ஹாசனை நாம் உலக நாயகன் என்றே அழைத்து வந்தோம். ஆனால் திடீரென சென்ற…

20 minutes ago

திடீரென வெளியான வீடியோ…அதிர்ச்சியில் உறைந்து போன பிரியா வாரியர்!!

அஜித்தின் குட் பேட் அக்லி திரைப்படம் சமீபத்தில் வெளியாக கலவையான விமர்சனங்களை பெற்று வருகிறது. குறிப்பாக அஜித் ரசிகர்களுக்கு இந்த…

31 minutes ago

பஸ் கண்டக்டருடன் உல்லாசம்.. ரகசிய வீடியோ : தப்பான சகவாசத்தால் விபரீதம்!

பேருந்தில் பயணம் செய்த போது கண்டக்டருடன் ஏற்பட்ட கள்ளக்காதல் சம்பவத்தில் திருப்பம் ஏற்பட்டுள்ளது. கர்நாடக மாநிலம் சாம்ராஜ் நகர் இருகே…

56 minutes ago

ரெட்ரோ படத்தில் வடிவேலு? சீக்ரெட்டை போட்டுடைத்த இயக்குனர்? ஆனா அங்கதான் ஒரு டிவிஸ்ட்!

புதுமையான ஆக்சன் படம் கார்த்திக் சுப்பராஜ் இயக்கத்தில் சூர்யா நடித்துள்ள “ரெட்ரோ” திரைப்படம் வருகிற மே மாதம் 1 ஆம்…

1 hour ago

UPSC தேர்வில் தமிழக மாணவர்கள் சாதனை… நான் முதல்வன் திட்டத்தில் பயின்ற சிவச்சந்திரன் முதலிடம்!

யுபிஎஸ்சி தேர்வுக்கான முடிவுகள் இன்று வெளியிடப்பட்டன. யுபிஎஸ்சி சர்வீஸ் தேர்வு, ஐஏஎஸ், ஐபிஎஸ், ஐஎப்எஸ், ஐஆர்எஸ் உள்ளிட்ட பணிகளுக்காக யுபிஎஸ்சி…

1 hour ago

லோகேஷ் கனகராஜ் எடுத்த திடீர் முடிவு! என்ன சார் கடைசில இப்படி பண்ணிட்டீங்களே?

ரஜினிகாந்த்-லோகேஷ் கனகராஜ் கூட்டணி லோகேஷ் கனகராஜ் தற்போது ரஜினிகாந்தின் “கூலி” திரைப்படத்தை உருவாக்கி வருகிறார். இத்திரைப்படத்தின் படப்பிடிப்பு சில மாதங்களுக்கு…

2 hours ago

This website uses cookies.