காயங்களை உடனடியாக ஆற்றும் ஆற்றல் பூஸ்டர்...உங்க வீட்டு குழந்தைகளுக்கு ஏற்றது!!!

அதிக வெப்பம் நமக்கு நீரிழப்பு, சோர்வு மற்றும் அமைதியின்மை போன்ற உணர்வை ஏற்படுத்தும் என்பதால் கோடை காலம் அச்சுறுத்தலாகவே இருந்து வருகிறது. எனவே, உங்களை ஆரோக்கியமாகவும், நீரேற்றமாகவும் வைத்திருக்க, குளிர்ச்சியான உணவுகள் மற்றும் பானங்களை சீரான இடைவெளியில் உட்கொள்வது அவசியமாகிறது. இந்த பருவத்தில் பொதுவாக பரிந்துரைக்கப்படும் மற்றும் ஆரோக்கியமான பானங்களில் ஒன்று சத்து சர்பத் (Sattu Sharbath)!

‘ஏழையின் புரதம்’ என்று குறிப்பிடப்படும், சத்து சர்பத் என்பது பொட்டுக்கடலையில் செய்யப்பட்ட மாவு ஆகும். இது சோர்வைப் போக்கி, காயங்களைக் குணப்படுத்துவதோடு, இது பல ஆரோக்கிய நன்மைகளைக் கொண்டுள்ளது. இந்த கோடையில் தாகத்தைத் தணிக்கவும் ஆற்றலைப் பெறவும் இந்த “மிகவும் பிரபலமான மற்றும் பாரம்பரிய பானத்தின்” சில நன்மைகளைப் பற்றி பார்ப்போம்.

சத்து சர்பத்தின் நன்மைகள்:
* இது ஒரு ஆரோக்கிய டானிக், ஏனெனில் இது ஒட்டுமொத்த ஆரோக்கியத்தை மேம்படுத்துகிறது.
*கடுமையான வெயிலின் காரணமாக கண் வறட்சி, எரிதல், சிவத்தல் மற்றும் அரிப்பு ஏற்படும் கோடையில் இது கண்களுக்கு நல்லது. இது போன்ற சூழ்நிலையில், இந்த பானம் மிகுந்த நிவாரணம் அளிக்கிறது.
*இது தொண்டைக்கு நல்லது மற்றும் தொண்டை தொடர்பான பிரச்சனைகளுக்கு பயனுள்ளதாக இருக்கும்.
*இது பலவீனத்தை போக்கி உடனடி ஆற்றலை அளிக்கிறது.
* கோடையில் ஏற்படும் வாந்தியை குணப்படுத்த உதவுகிறது.
*உடற்பயிற்சி மற்றும் சில சமயங்களில் எந்த ஒரு வேலையும் செய்யாமல் இருப்பதால் ஏற்படும் சோர்வைப் போக்குகிறது.
* இது குறைவான அல்லது அதிக பசியை நீக்குகிறது.
* இது காயம் குணப்படுத்துவதை துரிதப்படுத்துகிறது.
* மேலும் இது உங்கள் வெப்பநிலையைக் குறைக்கும் மற்றும் உங்கள் உடலில் நிறைய நார்ச்சத்துகளை நிரப்பும்.

சத்து சர்பத்தின் செய்முறை:
* முதலில் 1/2 கப் பொட்டுக்கடலையை எடுத்து, ஐந்து முதல் ஏழு நிமிடங்கள் குறைந்த தீயில், வாசனை வரும் வரை வறுக்கவும்.
கலவையை ஆறவைத்து பொடி செய்து கொள்ளவும்.

*ஒரு டம்ளரில் ஒரு டீஸ்பூன் பொட்டுக்கடலை தூளை எடுத்துக் கொள்ளுங்கள்.

*அதில் சர்க்கரை அல்லது வெல்லம், உப்பு, எலுமிச்சை மற்றும் ஒரு கிளாஸ் தண்ணீர் சேர்க்கவும்.

*நன்றாக கலந்த பின் சுவைத்து மகிழுங்கள்!