உங்களுக்கு அடிக்கடி உடம்பு சரியில்லாம போகுதா... இத செய்தா இனி அப்படி நடக்காது!!!

நீங்கள் அடிக்கடி நோய்வாய்ப்பட நேர்ந்தால், இதற்கு பல காரணங்கள் இருக்கலாம். தவறான உணவுப்பழக்கம் மற்றும் மோசமான வாழ்க்கை முறை காரணமாக, நாம் தற்போது அடிக்கடி ஏதாவது ஒரு நோயால் பாதிக்கப்படுகிறோம். ஆரோக்கியமான வாழ்க்கைப் பழக்கவழக்கங்களான உடற்பயிற்சி செய்யாமல் இருப்பது, தூய்மையில் கவனம் செலுத்தாதது, உணவில் அத்தியாவசிய ஊட்டச்சத்துக்களை எடுத்துக் கொள்ளாதது போன்றவை இதற்கு காரணமாகும்.

மறுபுறம், நோய் எதிர்ப்பு சக்தி குறைவாக உள்ளவர்கள் நோய்கள் மற்றும் தொற்றுநோய்களுக்கு ஆளாகிறார்கள். அத்தகையவர்கள் குறிப்பாக தூய்மை மற்றும் ஆரோக்கியமான பழக்கவழக்கங்களில் கவனம் செலுத்த வேண்டும். ஆகவே, நீங்கள் ஆரோக்கியமாக இருக்க உதவும் சில எளிய வாழ்க்கை முறை குறிப்புகள் பற்றி இப்போது பார்க்கலாம்.

◆வெந்நீர் அருந்தவும்:
பொதுவாக உங்களுக்கு ஏதேனும் உடல்நலக் கோளாறு ஏற்பட்டாலோ அல்லது சளி பிடித்தாலோ, நீங்கள் வெதுவெதுப்பான நீரை பருகுவீர்கள். ஆனால் எந்த நோயும் இல்லாவிட்டாலும், வெதுவெதுப்பான நீரைக் குடிக்க வேண்டும். இப்படிச் செய்வதன் மூலம் நீங்கள் நோய்களால் அவதிப்படுவது குறையும்.

◆வைட்டமின் C உணவில் சேர்த்துக் கொள்ளுங்கள்:
உங்கள் உணவில் வைட்டமின் C சேர்ப்பது உங்கள் நோய் எதிர்ப்பு சக்தியை அதிகரிக்க மிகவும் உதவியாக இருக்கும். எனவே, உங்களுக்கு வைட்டமின் C கொண்ட உணவை தினமும் சாப்பிட முயற்சி செய்யுங்கள்.

◆போதுமான அளவு உறங்குங்கள்:
இன்றைய பரபரப்பான வாழ்க்கையில், நாம் போதுமான அளவு தூங்குவது மிகவும் கடினமாகிவிட்டது. போதுமான தூக்கம் இல்லாததால் பல உடல் சார்ந்த பிரச்சினைகள் வரலாம். இது தவிர, சளி மற்றும் காய்ச்சல் ஏற்படும் அபாயமும் அதிகரிக்கிறது.

◆நிறைய தண்ணீர் குடியுங்கள்:
நிபுணர்களின் கூற்றுப்படி, நீங்கள் தினமும் குறைந்தது எட்டு கிளாஸ் தண்ணீரைக் குடிக்க வேண்டும். தினமும் அதிக அளவு தண்ணீர் குடித்து வந்தால், அது பல நோய்களில் இருந்து உங்களை காக்கும்.

◆எப்போதும் பாசிடிவாக சிந்தியுங்கள்:
வாழ்க்கையில் எந்த மனிதனும் எப்போதும் மகிழ்ச்சியாக இருக்க முடியாது. சில சமயங்களில் சில பிரச்சனைகள் ஏற்படத்தான் செய்யும். இந்த நேரத்தில், எதிர்மறையான விஷயங்களை யோசிப்பது நல்லதல்ல. எனவே, குறிப்பாக இதுபோன்ற நேரங்களில், நாம் நேர்மறையாக மட்டுமே சிந்திக்க வேண்டும். ஆராய்ச்சியின் படி, எப்போதும் நேர்மறையாக நினைப்பவர்கள் மற்றவர்களை விட குறைவாகவே நோய்வாய்ப்படுவார்கள்.