எப்போ பார்த்தாலும் சோர்வா இருக்கா… கூடவே இந்த அறிகுறிகளும் இருந்தா உங்களுக்கு கண்டிப்பா இந்த பிரச்சினை இருக்க வாய்ப்பு இருக்கு!!!

உங்களுக்கு வைட்டமின் டி குறைபாடு இருந்தால், உங்கள் உடல் கோவிட்-19 ஆபத்தை அதிகரிப்பது உட்பட பல நோய்களை வரவேற்கலாம் என்று சமீபத்திய ஆய்வு ஒன்று தெரிவிக்கிறது. ஏனெனில், அது நோய் எதிர்ப்பு சக்தியை அதிகரிக்க உதவும் ஒரு வடிவம். வைட்டமின் டி யை பெறுவது மட்டும் இல்லாமல் அந்த வைட்டமின் டியை உங்கள் உடல் உறிஞ்சிக் கொள்கிறதா என்பதை உறுதிப்படுத்திக் கொள்ள வேண்டும். உங்கள் உடலில் வைட்டமின் டி உறிஞ்சுதலைத் தடுக்கும் பல காரணிகள் உள்ளன.

உங்கள் உடல் வைட்டமின் D ஐ சரியாக உறிஞ்சவில்லை என்றால், நீங்கள் பின்வரும் அறிகுறிகளை அனுபவிப்பீர்கள்:
* கடுமையான சோர்வு மற்றும் நிலையான சோம்பல்
* உங்கள் எலும்புகள் மற்றும் மூட்டுகளில் வலி
* மனநிலை மாற்றங்கள், மன அழுத்தம், பதட்டம் மற்றும் மனச்சோர்வு போன்ற மாற்றங்கள்
* தசைகள் பலவீனம், தசை வலி, பிடிப்புகள்
* சிறுநீரகம் மற்றும் கல்லீரல் பிரச்சனைகளும் வைட்டமின் டி குறைபாட்டின் அறிகுறியாகும்

வைட்டமின் டி குறைபாட்டின் அறிகுறிகளைக் கவனித்துக் கொள்வது மிகவும் அவசியம்.
வைட்டமின் டி மிகவும் இன்றியமையாதது. ஏனெனில் இது உங்கள் உடல் கால்சியத்தை உறிஞ்சுவதற்கும், தொற்றுநோயை எதிர்த்துப் போராடுவதற்கும், உங்கள் தசைகள் சரியாக வேலை செய்வதற்கும் உதவுகிறது. வைட்டமின் D இன் சிறந்த ஆதாரம் சூரிய ஒளியாகும். ஆனால் பொதுவாக, மக்கள் போதுமான அளவு வைட்டமின் D ஐப் பெறுவதற்கு சூரிய ஒளியில் போதுமான நேரத்தை செலவிடுவதில்லை. எனவே அதை உணவோடும் சேர்த்துக் கொள்ள பரிந்துரைக்கப்படுகிறது.

வைட்டமின் டி உறிஞ்சப்படுவதை எது தடுக்கிறது?
1. மோசமான குடல் ஆரோக்கியம்
2. கல்லீரல் பிரச்சினைகள்
3. சிறுநீரக பிரச்சினைகள்
4. காஃபின் உட்கொள்ளல் அதிகரிப்பு
5. உடல் நிறை
6. எடை இழப்பு சிகிச்சை
7. ஒரு சில மருந்துகள்

உங்களுக்கு வைட்டமின் டி குறைபாடு இருந்தால், சில உணவுகளை உட்கொள்வதைத் தவிர்க்க வேண்டும். ஏனெனில் அவை உங்கள் உடலில் வைட்டமின் டி உறிஞ்சுதலை கடினமாக்கும் அல்லது சாத்தியமற்றதாக்கும்.

வைட்டமின் டி குறைபாடு இருந்தால் தவிர்க்க வேண்டிய உணவுகள்
* எண்ணெய் அல்லது பொரித்த உணவுகள்
* ஊறுகாய், சட்னி போன்ற புளிப்புப் பொருட்கள்
* துரித உணவுகள்
* ஐஸ்கிரீம், குளிர் பானங்கள் போன்ற குளிர்ச்சியான பொருட்கள்

உங்கள் வைட்டமின் டி உட்கொள்ளல் மற்றும் உறிஞ்சுதலை அதிகரிக்க நீங்கள் உட்கொள்ள வேண்டிய உணவுகள்
* சால்மன், மத்தி, சிப்பி போன்ற கொழுப்பு நிறைந்த மீன்கள்
* முட்டையின் மஞ்சள் கரு
* காளான்கள்
* மீன் எண்ணெய்
* தயிர்
* சீஸ்
மேலும், சூரிய ஒளியில் ஒரு நாளைக்கு குறைந்தது 10-15 நிமிடங்கள் செலவிடுங்கள்!