நீண்ட ஆயுளைப் பெற வேண்டும் என்ற ஆசை இருந்தால் நீங்க தினமும் இத பண்ணணும்!!!

ஆரோக்கியமான உணவுப் பழக்கவழக்கங்களைப் பின்பற்றுவதே நீண்ட மற்றும் ஆரோக்கியமான வாழ்க்கை வாழ்வதற்கான ரகசியம் என்பதில் எந்த சந்தேகமும் இல்லை. வைட்டமின்கள் மற்றும் தாதுக்கள் நிறைந்த உணவுகள் நம் உடலை ஆரோக்கியமாக வைத்திருக்கும். இறைச்சி மற்றும் முட்டை போன்ற அதிக கலோரி மற்றும் அதிக புரத உணவுகளை சாப்பிடுவது நீண்ட ஆயுளுக்கு முக்கியம் என்று பொதுவாக நம்பப்படுகிறது. இது குறித்த ஒரு ஆராய்ச்சியை ஹார்வர்டு பல்கலைக்கழகம் மேற்கொண்டது.

இந்த ஆய்வின்படி, அதிக பழங்கள் மற்றும் காய்கறிகளை உட்கொண்டால் நீண்ட நாட்கள் வாழலாம் என்பது தெரிய வந்துள்ளது. கீரைகள் மற்றும் பழங்கள் உங்கள் உடல் உறுப்புகளின் செயல்பாட்டை மேம்படுத்தவும், முன்கூட்டிய இறப்பைத் தடுக்கவும் உதவும். ஆகவே, சீரான அளவு பழங்கள் மற்றும் காய்கறிகளை சாப்பிடுவது நீண்ட காலம் வாழ உதவும் என்பது தெரியவந்துள்ளது.

இரண்டு பழங்கள் மற்றும் மூன்று காய்கறிகள் உங்கள் இறப்பு விகிதத்தைக் குறைக்கும். ஆனால், அதற்கு மேல் சாப்பிடுவதால் கூடுதல் பலன்கள் கிடைக்காது. முன்னணி ஆராய்ச்சியாளர்களின் கூற்றுப்படி, நீண்ட ஆயுளை அதிகரிக்க, அனைத்து பழங்கள் மற்றும் காய்கறிகள் நன்மை பயக்கும். சில பழங்கள் மற்றும் காய்கறிகள் மற்றவற்றை விட சிறந்தவை மற்றும் நீண்ட ஆயுளை மேம்படுத்துவதில் நன்றாக வேலை செய்யும். பச்சை இலை காய்கறிகள் மற்றும் குறைவான மாவுச்சத்துள்ள காய்கறிகள் ஆகியவை நாள்பட்ட நோயின் அபாயத்தைக் குறைக்க உதவும்.