கேரளா: இருகால்களும் இல்லாத தனது நண்பனை பெண் தோழிகள் இருவரும் வகுப்பறைக்கு தூக்கி செல்லும் காட்சிகள் இணையத்தில் வைரலாகி காண்போரை நெகிழ்ச்சி அடைய வைக்கிறது.
வாழ்வில் நாம் தேர்ந்தெடுக்கும் நண்பர்கள் சிலர் தமது குடும்பத்தினரை போன்று எந்நிலையிலும் நம்முடன் துணை நிற்பர். நம் வாழ்க்கைக்கு மதிப்பு சேர்க்கும் சரியான நண்பர்களுடன் இருப்பது எவ்வளவு முக்கியம் என்பதை கல்லூரி மாணவர் ஒருவரின் வீடியோ நிரூபித்துள்ளது.
கேரளாவை சேர்ந்த கல்லூரி மாணவர் அலிஃப் முகமது. ‘தேவைக்கு இருப்பவனே உற்ற நண்பன்’ என்ற பழமொழிக்கு மிகச்சிறந்த உதாரணமாக இருக்கின்றனர் அலிஃப்ன் நண்பர்கள். இதில், மிகச்சிறந்த விஷயம் என்னவென்றால் நட்புக்குள் ஆண் பெண் பேதமில்லை என்பதை விளக்கி இவருக்கு உறுதுணையாக இருப்பவர்கள் இருவரும் பெண் தோழிகள் என்பதுதான்.
பிறக்கும் போது கால்கள் இன்றி பிறந்த அலிஃப்பிற்கு கல்லூரிக்கு செல்வது அவ்வளவு சவாலாக இல்லை.
கொல்லம் மாவட்டம் சாஸ்தம்கோட்டாவில் உள்ள டிபி கல்லூரியில் பிகாம் படிக்கும் இவர், வகுப்புகளுக்குச் செல்வதில் எந்தச் சவாலையும் சந்திக்கவில்லை. இதற்கு முக்கிய காரணம் அவரது தோழிகள் தான்.
தினமும் அலிஃப்பை இவர்கள் வகுப்பறைக்கு தூக்கி செல்கின்றனர். தற்போது, தோழிகள் இருவரும், அலிஃபுக்கு உதவி செய்யும் வீடியோ “கால்கள் இல்லாமல் பிறந்தாலும், அலிஃப் முகமதுவின் நண்பர்கள் கல்லூரியில் படிக்கும் அவரது ஊனத்தை அவர் வழியில் அனுமதிக்க மாட்டார்கள்” என்ற தலைப்புடன் இணையத்தில் பகிரப்பட்டுள்ளது.
அந்த வீடியோவில் அலிஃபை தோழிகளான அர்ச்சனா மற்றும் ஆர்யா இருவரும் தூக்கி செல்கின்றனர். இந்த வீடியோ கல்லூரியில் நடைபெற்ற விழாவின் போது எடுக்கப்பட்டுள்ளது. அந்த விழாவில் புகைப்பட கலைஞராக சென்ற ஜெகத் துளசிதரன், இந்த தருணத்தை பதிவு செய்து இணையத்தில் பகிர்ந்துள்ளார். தற்போது அந்த வீடியோ பலரால் பகிரப்பட்டு வருகிறது.
ஸ்ட்ரெஸ் பஸ்டர் பெரும்பாலான தமிழ்நாட்டு மக்களின் ஸ்ட்ரெஸ் பஸ்டராக விளங்கும் நிகழ்ச்சிதான் “குக் வித் கோமாளி”. 2019 ஆம் ஆண்டு…
கார்த்திக் சுப்பராஜ்-சூர்யா கூட்டணி கார்த்திக் சுப்பராஜ் இயக்கத்தில் சூர்யா நடித்த “ரெட்ரோ” திரைப்படம் வருகிற மே மாதம் 1 ஆம்…
திருமணம் நிச்சயம் செய்யப்பட்ட மாப்பிள்ளைக்கு வருங்கால மனைவியின் உல்லாச வீடியோ அனுப்பிய வாலிபரை போலீசார் கைது செய்தனர். கேரள மாநிலம்…
வடிவேலு-சுந்தர் சி கம்பேக் கிட்டத்தட்ட 15 வருடங்கள் இடைவெளிக்குப் பிறகு சுந்தர் சியும் வடிவேலுவும் இணைந்து நடித்து இன்று உலகம்…
கோவை கார்ட்டூர் காவல் துறையினர் இன்று காலை 5 மணி அளவில் காந்திபுரம் பேருந்து நிலையத்தில் ரோந்து பணியில் ஈடுபட்டனர்.…
எல்லாம் ஸ்பாட்ல வர்ரது பொதுவாக ஒரு திரைப்படத்தில் இடம்பெறும் காட்சியை படமாக்க ஸ்கிரிப்ட் படி செல்வதுதான் வழக்கம். பெரும்பாலும் பல…
This website uses cookies.