இந்தியாவுக்கு எதிரான முதல் டெஸ்ட் கிரிக்கெட் போட்டியில் ஆஸ்திரேலியா அணி 177 ரன்களுக்கு ஆட்டமிழந்தது.
4 போட்டிகள் கொண்ட டெஸ்ட் தொடரில் விளையாடுவதற்காக ஆஸ்திரேலியா கிரிக்கெட் அணி இந்தியாவில் சுற்றுப்பயணம் மேற்கொண்டு வருகிறது. இரு அணிகளுக்கு இடையிலான முதல் டெஸ்ட் கிரிக்கெட் போட்டி நாக்பூரில் இன்று தொடங்கியது. இந்தப் போட்டியில் டாஸ் வென்ற ஆஸ்திரேலியா அணியின் கேப்டன் கம்மின்ஸ் பேட்டிங்கை தேர்வு செய்தார்.
அதன்படி, களமிறங்கிய அந்த அணியின் தொடக்க வீரர்களான கவாஜா, வார்னர் வந்த வேகத்தில் நடையை கட்டினர். தொடர்ந்து வந்த லபுஷக்னே, ஸ்மித் ஓரளவுக்கு தாக்கு பிடித்து ரன்களை சேர்த்தனர். லபுஷக்னே 49 ரன்னிலும், ஸ்மித் 37 ரன்னிலும் அவுட்டாகினர். தொடர்ந்து, ஆக்ரோஷமான பந்துவீச்சை இந்திய பந்துவீச்சாளர்கள் வெளிப்படுத்தினர்.
இதனால், அடுத்தடுத்து விக்கெட்டுக்கள் விழுந்தன. இறுதியில் ஆஸ்திரேலிய அணி 177 ரன்களுக்கு ஆட்டமிழந்தது. நீண்ட நாட்களுக்கு பிறகு வந்த ஜடேஜா 5 விக்கெட்டுக்களையும், அஸ்வின் 3 விக்கெட்டுக்களையும், ஷமி, சிராஜ் தலா ஒரு விக்கெட்டையும் கைப்பற்றினர். இந்தப் போட்டியில் தனது முதல் விக்கெட்டை அஸ்வின் டெஸ்ட் கிரிக்கெட் தனது 450வது விக்கெட்டுக்களை கைப்பற்றி சாதனை படைத்துள்ளார்.
இதைத் தொடர்ந்து, தனது முதல் இன்னிங்சை தொடங்கிய இந்திய அணிக்கு ரோகித் சர்மா, கேஎல் ராகுல் நிதான தொடக்கத்தை கொடுத்தனர். அபாரமாக ஆடிய கேப்டன் ரோகித் சர்மா அரைசதம் அடித்தார். முதல் நாள் ஆட்டம் நிறைவுபெற ஒரு ஓவர் மீதமிருந்த நிலையில், கேஎல் ராகுல் (20 ரன்கள்) ஆட்டமிழந்தார். இதையடுத்து, நைட் வாட்ச்மேனாக அஸ்வின் களமிறங்கினார்.
முதல் நாள் ஆட்டநேர முடிவில் ஒரு விக்கெட் இழப்பிற்கு இந்திய அணி 77 ரன்கள் எடுத்துள்ளது.
இன்னும் ரெண்டே நாள்தான் மாமே ஆதிக் ரவிச்சந்திரன் இயக்கத்தில் அஜித்குமார் நடித்துள்ள “குட் பேட் அக்லி” திரைப்படம் வருகிற 10…
அட்லீ-அல்லு அர்ஜூன் கூட்டணி பல நாட்களாகவே அட்லீ இயக்கத்தில் அல்லு அர்ஜுன் நடிக்கவுள்ளதாகவும் அத்திரைப்படத்தை சன் பிக்சர்ஸ் தயாரிக்கவுள்ளதாகவும் தகவல்கள்…
கார்த்திக் சுப்புராஜ் இயக்கத்தில் நடிகர் சூர்யா, பூஜா ஹெக்டே உள்ளிட்ட பலர் நடித்து வரும் படம் ரெட்ரோ. இந்த படம்…
கோவை குனியமுத்தூர் டைமண்ட் அவென்யூ பகுதியில் நேற்று இரவு இரு தரப்பினர் இடையே நடைபெற்ற மோதலில் சுண்ணாம்பு காளவாய் பகுதியைச்…
சின்னத்திரையில் பிரபலமானால் போதும் பெரிய திரையில் தானாகவே வாய்ப்புகள் வந்து விழும். இது இந்த காலத்தில் எழுதப்படாத விதியாக உள்ளது…
இன்னும் 3 நாள்தான் மாமே… ஆதிக் ரவிச்சந்திரன் இயக்கத்தில் அஜித்குமார் நடித்துள்ள “குட் பேட் அக்லி” திரைப்படம் வருகிற 10…
This website uses cookies.