உலகக்கோப்பை கிரிக்கெட் தொடரில் தென்னாப்ரிக்கா அணியை தோற்கடித்து நெதர்லாந்து அணி அதிர்ச்சி கொடுத்துள்ளது.
நேற்று முன்தினம் நடைபெற்ற போட்டியில் நடப்பு சாம்பியன் இங்கிலாந்தை தோற்கடித்து ஆப்கானிஸ்தான் கிரிக்கெட் ரசிகர்களுக்கு அதிர்ச்சி கொடுத்திருந்தது.
இந்த நிலையில், நேற்று நடந்த மற்றொரு லீக் ஆட்டத்தில் நெதர்லாந்து அணி, தென்னாப்ரிக்காவை வீழ்த்தி, உலகக்கோப்பை கிரிக்கெட் தொடரில் சுவாரசியத்தை ஏற்படுத்தியுள்ளது.
ஏற்கனவே இரு போட்டிகளில் அபார வெற்றி பெற்ற தென்னாப்ரிக்காவை, நெதர்லாந்து எப்படி சமாளிக்கப் போகுமோ..? என்ற கேள்வி அனைவரிடத்தில் எழுந்திருந்தது. அப்படியிருக்கையில் நேற்றைய ஆட்டத்தில் டாஸ் வென்ற தென்னாப்ரிக்க அணி முதலில் பந்துவீச்சை தேர்வு செய்தது. மழை குறுக்கிட்டதால் 43 ஓவர்களாக குறைக்கப்பட்ட இந்தப் போட்டியில், முதலில் பேட் செய்த நெதர்லாந்து அணி 245 ரன்கள் எடுத்தது. அதிகபட்சமாக கேப்டன் எட்வர்ட்ஸ் 78 ரன்கள் குவித்தார்.
தொடர்ந்து, விளையாடிய தென்னாப்ரிக்கா அணி, நெதர்லாந்து அணியின் பந்துவீச்சை சமாளிக்க முடியால் விக்கெட்டுக்களை இழந்து தடுமாறியது. இதனால், அந்த அணி 207 ரன்னுக்கு ஆட்டமிழந்து 38 ரன் வித்தியாசத்தில் தோல்வியை தழுவியது.
இந்தப் போட்டியின் போது, நெதர்லாந்து பீல்டிங் செய்கையில், தண்ணீர் கொண்டு வரும் வீரர் ஒரு பேப்பரையும் கொண்டு வந்து, கேப்டனிடம் கொடுத்துக் கொண்டே இருந்தார். அது டக்வொர்த் லுயிஸ் விதி ரன்களாக இருக்கலாம் என்று ரசிகர்கள் நினைத்தனர்.
ஆனால், அதுதான் இல்லை. அந்த பேப்பரில் இருந்த ரகசியம் என்ன என்பது குறித்து நெதர்லாந்து கேப்டன் எட்வர்ட்ஸ் வெளிப்படையாக தெரிவித்துள்ளார்.
அவர் கூறியதாவது :- நாங்கள் நியாயமாக சில ஆய்வுகளை செய்கிறோம். அதேபோல, சில மேட்ச்அப்களை கொண்டு வருகிறோம். ஆனால், அது எல்லா மேட்ச்களிலும் வேலை செய்வது கிடையாது. அந்த பேப்பரில் இருந்தது அப்படியான திட்டங்கள்தான்.
கடந்த இரண்டு போட்டிகளில் எங்களுடைய மிடில் ஆர்டர் பேட்ஸ்மேன்கள் கடைசி ஓவர் வரை இருந்து விளையாட முடியவில்லை. இன்று அந்த பொறுப்பை நான் எடுத்துக் கொள்ள நினைத்து விளையாடினேன். இன்று இரவு பார்ப்பதற்கு எங்களுக்கு எல்லாமே நல்லதாக அமைந்திருக்கிறது, எனக் கூறினார்.
தென்னாப்ரிக்கா அணி ஹாட்ரிக் வெற்றி பெறும் என எதிர்பார்க்கப்பட்ட நிலையில், இந்தப் போட்டியில் தோல்வியை தழுவி இருப்பது, புள்ளிப்பட்டியலில் பின்தங்கி இருக்கும் ஆஸ்திரேலியா, இங்கிலாந்து அணிகளுக்கு பெரிய நிம்மதியாக இருக்கும்.
வக்ஃபு சட்ட திருத்த மசோதா மக்களவை மற்றும் மாநிலங்கலவையில் நிறைவேற்றப்பட்டதை கண்டித்து வேலூர் மேற்கு மாவட்ட தமிழக வெற்றிக் கழகம்…
சச்சின் ரீரிலீஸ்… விஜய் நடிப்பில் 2005 ஆம் ஆண்டு வெளியான “சச்சின்” திரைப்படம் 90ஸ் கிட்ஸின் மிகவும் விருப்பத்திற்குரிய திரைப்படமாக…
2025ஆம் ஆண்டுக்கான ஐபிஎல் தொடரில் சென்னை அணி மோசமான ஆட்டத்தை வெளிப்படுத்தி வருகிறது. குறிப்பாக முதல் போட்டியில் மும்பை அணியுடன்…
அபார முயற்சி, ஆனால்? ரஜினிகாந்தை நாம் திரையில் பல கதாபாத்திரங்களில் ரசித்து பார்த்திருப்போம். ஆனால் அனிமேஷனில் ரஜினிகாந்தை கொண்டு வந்த…
வக்பு வாரிய சட்டத்தருத்த மசோதா கடும் எதிர்ப்புக்கு மத்தியில் மக்களவையில் ஒரு நிறைவேற்றப்பட்டது. இதற்கு தமிழக அரசியல் கட்சிகள் கடும்…
ரொமான்டிக் ஹீரோ டூ ஆக்சன் ஹீரோ சூர்யா தமிழ் சினிமாவில் ஹீரோவாக அறிமுகமானதில் இருந்து காதலை மையமாக வைத்து உருவான…
This website uses cookies.